UEFA AÇ-2024-ün final mərhələsi üçün biletləri satışa çıxarmağa hazırlaşır. Bu ilin oktyabrından başlayaraq qitə çempionatının rəsmi saytı vasitəsi ilə bilet üçün sifariş vermək mümkün olacaq.

"Football-plus.az" xəbər verir ki, UEFA-nın yaydığı məlumata görə, biletər yalnız euro2024.com/tickets bölümündən onlayn formada sifariş oluna bilər. Almaniyada keçiriləcək final mərhələsinin oyunları üçün 2,7 milyon bilet satışa çıxarılacaq. Qrup matçları üçün bir biletin qiyməti 30 avrodan başlayır. 1 milyondan artıq biletin qiyməti 60 avrodan ucuzdu. Oktyabrın 3-26-sı aralığında 1,2 milyon biletin satışa çıxarılacağı bildirilib. Daha 1,5 milyon bilet isə dekabrdan satışda olacaq. Bu biletlər AÇ-2024-ün iştirakçı komandalarının azarkeşləri üçün nəzərdə tutulub. Ümumilikdə biletlərin qiyməti sektorlarından asılı olaraq belə müəyyən edilib: qrup oyunları - 30, 60, 150, 200 avro, açılış oyunu - 50, 195, 400, 600 avro, 1/8 final oyunları - 50, 85, 175, 250 avro, 1/4 final oyunları - 60, 100, 200, 300 avro, yarımfinal oyunları - 80, 195, 400, 600 avro, final - 95, 300, 600, 1000 avro.