“Nə səbəb soruşdum, nə də özləri bir şey dedi. Milli üzvüyəm və həmişə ölkəmizi layiqincə təmsil etməyə hazıram. İndi heç bir problemim yoxdu. İnşallah, növbəti oyunlarda çağrılsam, canla-başla düşərgəyə qoşulacam. Vitali Borisovun qərarlarına hörmətlə yanaşıram. Millimizə Niderlandla matçda uğurlar arzulayıram”.

“Komandanın bütün üzvləri haqda baş məşqçi ilə vaxtaşırı müzakirə aparırıq. İsanın son vaxtlar həvəssizliyi və intizamsızlığı Vitali Borisovun diqqətindən yayınmayıb. Çox güman ki, millinin heyətindən uzaqlaşdırılması məhz bununla bağlıdı. Daha əvvəl ona bu hərəkətlər üzündən şiddətli töhmət verdiyimizi demişdim. Görünür, İsada nəsə dəyişiklik olmayıb. Ümumiyyətlə, son vaxtlar bəzi futzalçılarda bu hiss olunur. Biz hər biriylə əlaqədəyik və xəbərdarlıq edirik. Lazım gəlsə, hər hansı oyunçuyla yollarımızı ayırmaqdan çəkinməyəcəyik. Bizə həm ölkəyə, həm də kluba faydalı şəxslər lazımdı. Son vaxtlar heyətin gəncləşdirilməsi istiqamətində yeni planlar da hazırlamışıq. Bilirsiz ki, bəzi təcrübəli futzalçıların yaşı artıq əvvəlki oyunu göstərməyə imkan vermir. Onlar karyeralarını bitirdikdən sonra boşluqların yaranmaması üçün indidən addımlar atacağıq. Futzalın ölkəmizdə inkişafını təmin etməklə bağlı layihələrimiz var. Artıq U-19-un keçmiş üzvü Məhəmməd Abbasov və minifutbolda çıxış edən Emin Həsənzadə ilə müqavilə bağlamışıq. Onlar sentyabrın 20-dən sonra “Araz-Naxçıvan”ın sıralarında olacaqlar”.

“Baş məşqçi və köməkçiləri ilə görüşüb danışmışıq. Onlar da səhvlərini qəbul edirlər. Düzü, milliylə bağlı performansı haqda fikir bildirmək səlahiyyətim yoxdu. Amma “Araz-Naxçıvan”la bağlı planlarımız bəllidi. Onun klubla müqaviləsinin müddəti gələn il mayın 31-nə qədərdi. Ümid edirəm ki, o vaxta qədər birgə çalışacağıq. Mütəxəssisin qarşısına müəyyən öhdəliklər qoyulub ki, bunlardan biri də “Araz-Naxçıvan”ı yeni mövsümdə çempion etmək və Çempionlar Liqasında uğurlu nəticələr qazanmaqdı. Çünki bu dəfə yaşadığımız xoşagəlməz halları həm ictimaiyyətə, həm də özümüzə unutdurmalıyıq”.