Ölkə çempionatının 4 liqasında mövsüm başlayandan sonra indi də gözlər Region Liqasına dikilib.

Ötən mövsüm 34 komandanın mübarizə apardığı liqada yeni mövsüm üçün qeydiyyat müddəti sentyabrın 15-i, saat 17.00-da bitib. Liqanın “feysbuk” səhifəsində məlumatlar elə xəsisliklə paylaşılır ki, bu il neçə komandanın mübarizə aparacağını demək çətindi. Hələlik bəlli olan budu ki, “İsmayıllı”, “Gənclik” “Qarxun”, “Şirvanovka”, “Ramana”, “Dirçəliş”, “Hacıqabul” və “Uğur” iştirakçılar sırasında olacaq.

Onu da xatırladaq ki, Region Liqası yayda 11 komandanı itirib. “Difai, “Araz Saatlı”, “İrəvan” və “Karvan” 1-ci, “Füzuli”, “Cəbrayıl”, “Göygöl”, “Qusar”, “Qala-Şəmkir”, “Lerik” və “Marxal Şəki” (indiki adı "Şəki City") isə 2-ci liqaya adlayıb.