Cənubi Amerikada startı sentybrın 7-də verilən DÇ-2026-nın seçmə mərhələsində ayın 12-də 2-ci turun oyunları keçirildi.

"Football-plus.az" xəbər verir ki, artıq yalnız iki komanda - Argentina və Braziliya ardıcıl ikinci qələbəsini qazandı. Regionun ən güclü yığmaları şərikli liderliyi davam etdirir.

Seçmə turnirə Ekvadoru evdə minimal hesabla məğlub etməklə başlayan Argentina yığması Boliviyada statusunu doğrultdu. Bilindiyi kimi, La Pas şəhəri dəniz səviyyəsindən 3 min metrdən yüksəkdə yerləşdiyi üçün bura gələn qonaq komandalar həmişə iqlimə uyğunlaşmaqda əziyyət çəkirlər. Argentina əvvəllər bu şəhərdə dəfələrlə xal itkisinə məruz qalıb. Amma son dünya çempionu bu dəfə gücünü şətin şəraitdə yüksək səviyyədə göstərə bildi. Lionel Skaloninin komandası meydana Ekvadorla ilk matçda topu birbaşa cərimə zərbəsi ilə tora qovuşduran Messisiz çıxmışdı. Buna baxmayaraq, oyundaşları 36 yaşlı ulduz futbolçunun yoxluğunu hiss etdirmədilər. Argentina üç cavabsız qolla qalib gəldi. Boliviyalı müdafiəçi Roberto Fernandesin 39-cu dəqiqdə qırmızı vərəqə alması da nəticəyə təsirsiz ötüşmədi. Kapitan sarğısını daşıyan Di Mariyanın ilk qolun ötürməsini verdiyini də qeyd edək. Argentina yığmasının dünya çempionatının seçmə turnirində məğlubiyyətsiz oyunlar seriyası 23-ə çatdı. Bu, komanda üçün yeni rekorddu.

İlk turda Boliviyanı 5:1 hesabıyla darmadağın edən Braziliya yığması üçün Peruya səfər, gözlənildiyi kimi, çətin alındı. Baxmayaraq ki, qonaq komanda fasiləyə qədər qapıya iki dəfə yol tapmışdı. Lakin Rişarlisonla Rafinyanın vurduği qollar VAR-ın köməyi ilə hesaba alınmadı. İkinci hissədə də ev sahiblərinin müdafiəsi ümumilikdə qənaətbəxş təsir bağışladı. Amma Fernando Dinizin komandası finişdə tilsimi qırdı: Markinyosun Neymarın ötürməsi ilə qolu “sambaçılar”a qələbə qazandırdı. Braziliyanın dünya çempionatının seçmə turnirində məğlubiyyətsiz oyunlar seriyası 36-ya çatdı. Bu, Cənubi Amerikada yeni rekorddu. Braziliya bununla dünya futbolunda Almaniyanın göstəricisini təkrarladı. Rekord isə İspaniya yığmasına məxsusdu. Bu komanda 1993-2021-ci illərdə ardıcıl 66 matçda məğlubiyyətin nə olduğunu bilməyib.

Çili - Kolumbiya matında hesab açılmadı. Ekvador - Uruqvay oyununda ev sahibi olan komanda 2:1 hesabıyla qalib gəldi. Qeyd edək ki, Ekvador yığması seçmə turnirə 3 cəza xalı ilə başlayıb. Bunun səbəbi DÇ-2022-nin seçmə mərhələsində iştirak edən Bayron Kastilyonun sənədlərinin saxtalaşdırılması ilə bağladı. Başqa sözlə, ilk qələbə bu komandanın xal hesabını sıfra çatdırdı. Venesuela - Paraqvay matçının nəticəsini bir qol müəyyən etdi. Rondonun 90+3-cü dəqiqədə penalti ilə vurduğu qol meydan sahiblərinə qələbə gətirdi.

Cənubi Amerika
qrup mərhələsi, 2-ci tur
Boliviya – Argentina 0:3 (0:2)
Boliviya: Viskarra, D.Bexarano, Saqredo (Alqaranyas, 73), Kinteros, Cuzino (Akin, 46), R.Fernandes, Ursino (Rosales, 46), Arraskayta (Sausedo, 62), Vilyamil (Vilyarroel, 26), Abreqo, Moreno.
Argentina: E.Martines, Otamendi, Talyafiko, Molina, K.Romero, De Paul (E.Palasios, 46), Mak Allister (Paredes, 85), E.Fernandes (Korrea, 87), Di Mariya, N.Qonsales (Qarnaço, 85), Alvares (Lautaro Martines, 85).
Qollar: E.Fernandes, 31 (0:1). Talyafiko, 42 (0:2). N.Qonsales, 83 (0:3).
Vərəqələr: R.Fernandes, 15. Vilyamil, 24. Kinteros, 69. Alqaranyas, 89 - sarı. R.Fernandes, 39 – qırmızı (ikinci sarı).
Hakim: Esteban Ostoyiç (Uruqvay).
12 sentyabr. La Pas.
Peru - Braziliya 0:1 (0:0)
Peru: Qalyese, Korso, Abram, Tapya, Trauko (Valera, 90), M.Lopes, Yotun, Karrilyo (Rudias, 78), Kartaxena (Kastilyo, 68), Polo (Qrimaldo, 46), P.Gerrero.
Braziliya: Ederson, Danilo (Vanderson, 86), Markinyos, Qabriel Maqalyaeş, Renan Lodi, Kazemiro, Bruno Gimaraynş (Joelinton, 85), Rafinya (Martinelli, 85), Neymar (Rafael Veyqa, 90+3), Rodriqo, Rişarlison (Qabriel Jezus, 63).
Qol: Markinyos, 90.
Vərəqələr: Rafinya, 42. Kartaxena, 45. Tapya, 48. M.Lopes, 59. Bruno Gimaraynş, 61 - sarı.
Hakim: Fernando Rapalyini (Argentina).
12 sentyabr. Lima.
Çili - Kolumbiya 0:0
Çili: Kortes, Katalan (Delqado, 73), Medel, Maripan, Suaso, Eçeverriya, Vidal (Arangis, 73), Pulqar, Valdes, Brereton (Aravena, 76), A.Sançes.
Kolumbiya: K.Varqas, Munyos, Mina (A.Sançes, 23), Maçado, Lukumi, Uribe, Lerma, Karraskal (Xames Rodriges, 58), Aryas (Kitero, 71), L.Dias (Sinisterra, 71), Borre (Duran, 58).
Vərəqələr: Katalan, 39. Aryas, 41. Karraskal, 48. L.Dias, 54. Maçado, 64. Duran, 90 - sarı.
Hakim: Xesus Valensuela (Venesuela).
12 sentyabr. Santyaqo.
Ekvador - Uruqvay 2:1 (1:1)
Ekvador: Qalindes, Arboleda (Realpe, 70), Estupinyan, A.Presyado (X.Urtado, 84), Feliks Torres, Paço, Qrueso, M.Kaysedo, Xulio (Mena, 70), Paes (Ortis, 70), Valensiya (K.Rodriges, 90).
Uruqvay: Roçet, Arauxo (Fakundo Torres, 70), Vinya, S.Kaseres, Pikeres, Valverde, De la Krus (Karbalyo, 46), Uqarte, Nandes, Kanobbio (Pelyistri, 70), D.Nunyes (Olivera, 46).
Qollar: Kanobbio, 38 (0:1). Feliks Torres, 45+5 (1:1). Feliks Torres, 61 (2:1).
Valensiya 50-ci dəqiqədə penaltidən yararlana bilməyib (yan).
Vərəqələr: De la Krus, 42. Olivera, 64. A.Presyado, 78. Vinya, 90+2. Qrueso, 90+7 - sarı.
Hakim: Vilton Sampayo (Braziliya).
12 sentyabr. Kito.
Venesuela - Paraqvay 1:0 (0:0)
Venesuela: Romo, A.Qonsales, Anxel, Osorio, Navarro (Makun, 90), S.Sosa (Savarino, 67), Soteldo (Çanselyor, 90), Xose Martines (Kasseres, 67), Errera, Rondon, Xosef Martines (Kordova, 54).
Paraqvay: Karlos, R.Roxas (Piris, 71), Q.Qomes, Balbuena, Alonso, Ortis (R.Sançes, 46), Kubas, Vilyasanti, Almiron (A.Romero, 85), R.Sosa, Avalos (Karlos Qonsales, 59).
Qol: Rondon, 90+3-p.
Vərəqələr: S.Sosa, 37. Ortis, 42. Xose Martines, 65. Navarro, 75. Karlos Qonsales, 75. Q.Qomes, 83. Piris, 90+2 - sarı.
Hakim: Andres Roxas (Kolumbiya).
12 sentyabr. Maturin.
1. Braziliya 2 2 0 0 6-1 6
2. Argentina 2 2 0 0 4-0 6
3. Kolumbiya 2 1 1 0 1-0 4
4. Uruqvay 2 1 0 1 4-3 3
5. Venesuela 2 1 0 1 1-1 3
6. Paraqvay 2 0 1 1 0-1 1
7. Peru 2 0 1 1 0-1 1
8. Çili 2 0 1 1 1-3 1
9. Ekvador (-3) 2 1 0 1 2-2 0
10. Boliviya 2 0 0 2 1-8 0
Bombardirlər: Neymar, Rodriqo (hər ikisi Braziliya), De la Krus (Uruqvay), Feliks Torres (Ekvador) – 2.

Növbəti turun oyunları oktyabrın 13-də keçiriləcək: Boliviya – Ekvador, Kolumbiya – Uruqvay, Argentina – Paraqvay, Çili – Peru, Braziliya – Venesuela.

Oyundan sonra
Anxel Di Mariya, Argentina yığmasının yarımmüdafiəçisi: “Düzünü desəm, kapitan sarğısını daşımaq məndə xoş hisslər oyatdı. Bu, həm də emosional duyğu idi. Əvvəlki oyunda sarğını Messidən almağımı indiyədək unuda bilmirəm. Dünyanın ən yaxşı futbolçusunun sənə belə imkan verməsi qeyri-adi məqamdı. Bu mövzuda danışmamışdıq. Ona görə ki, Leonun Boliviyadakı matçda oynayıb-oynamayacağını bilmirdik. Onun meydana çıxması son durumundan asılı olacaqdı. Messi komandaya kömək etməyi çox istəyirdi. Ancaq oyun günü özünü bir qədər narahat hiss etdiyi üçün oynamadı. Onun səhhəti ilə risk etməmək doğru qərar idi”.