Suaresdən sonra Türkiyədə də rəqibini dişləyən futbolçu peyda olub
Türkiyənin 1-ci liqasının 3-cü turu çərçivəsində dünən keçirilən ''Kocaelispor'' - ''Altay'' oyununda qeyri-adi hadisə baş verdi.
"Football-plus.az" xəbər verir ki, meydan sahiblərinin 3:2 hesabı ilə qalib gəldikləri qarşılaşmanın 71-ci dəqiqəsində hakim VAR-ın məsləhəti ilə monitor başına yollandı.
Belə ki, ''Kocaelispor''da icarə əsasında oynayan 21 yaşlı yaşlı qvineyalı yarımmüdafiəçi İbrahima Fofana qonaqların təcrübəli üzvü Ceyhun Gülsəlam ilə ikili mübarizə zamanı onu dişlədi! Hakimin isə epizodun təkrarını baxdıqdan sonra gənc futbolçuya qırmızı vərəqə göstərməkdən başqa çarəsi qalmadı. Dünya futbolunda da futbolçunun rəqibini dişləməsi faktına rast gəlinib. Təbii ki, dərhal Luis Suares yada düşür. Uruqvaylı forvard DÇ-2014-ün qrup mərhələsi çərçivəsində İtaliya ilə oyunda Corcio Kyellinini çiynindən dişləmişdi. Məhşur forvard həmin vaxt 4 aylığa futboldan kənarlaşdırılmışdı. Görəsən Türkiyə Futbol Federasiyası Fofanaya hansı cəzanı verəcək?
''Kocaelispor''un tanınmış məşqçisi Ərtuğrul Sağlam oyunçusunun səhvə yol verdiyini bildirib: ''Fofananın hərəkətini heç bir halda qəbul etmək mümkün deyil. Özüylə də danışmışam. O da çox üzgündü. Gənc oyunçudu. Komanda yoldaşlarından üzr istədi. Futbol ictimaiyyətindən də üzr istəyirik. Ümid edirəm ki, belə hadisə bir daha təkrarlanmayacaq''.
ƏLİ
Digər xəbərlər
