“Mən Lənkəranda komanda yaradılmasını istəyirəm. Bununla bağlı dörd dəfə AFFA-ya getmişəm. Lakin məni qapıdan içəri buraxmırlar. Hər dəfə gedəndə hansısa bəhanə ilə məni yola salırlar. Elə bil ki, Lənkəran Azərbaycan torpağı deyil. Biz dərdimizi kimə deyək? Bəzi azarkeşlər kimi öz komandamız qala-qala, gedib “Beşiktaş”a, “Qalatasaray”a fanatlıq edənlərdən deyilik. “Qarabağ” Avropada oynayanda 30 min azarkeş gəlir, çempionatımızın oyunlarında isə yalnız 200 fanat görürük. Tovuz, Gəncə azarkeşləri də seçilir. Lakin Lənkəran fanatları tam başqadı. Bunu hamı bilir. Bizim o vaxt “Xan Lənkəran” komandamız var idi. Amma bu kollektivi dağıtdılar. Çox peşəkar səviyyədə qurulmuşdu. Ramin Musayevin dövründə də yanına getməyə çalışmışdım. Təəssüf ki, məni qəbuluna qoymadılar. Necə olur ki, “Lerik”i buraxırsan, Qusarın, İmişlinin iki komandasının oynamasına şərait yatadırsan, lakin Lənkəranda bir klub təsis etmirsən. Axı biz də Azərbaycan vətəndaşıyıq. Mən bu klubların yaradılmasına qarşı deyiləm. Sadəcə, bunun birini də Lənkəranda yaratsınlar. Qusarın, yeni yaranan “Dinamo”nun stadionu hazır deyil. Lakin AFFA onları çempionata buraxır. Biz AFFA-ya neyləmişik axı? Niyə belə düşmənçilik edirlər? Mən bir azarkeş kimi Lənkərana futbolun qayıtmasını istəyirəm. Qoy bu dediklərimi federasiyadakılar da oxusun. Görsünlər ki, bölgədə yaşayan fanatlar da futbol istəyir”.