Dron Normannın gözünü qorxutdu
Bildiyiniz kimi, ötən ilin fevralında başlayan Rusiya – Ukrayna müharibəsi davam edir.
“Football-plus.az” xəbər verir ki, Ukraynanın müharibə əməliyyatlarını artıq Rusiya ərazisinə keçirdiyini də demək olar. Moskvaya və Rusiyanın ayrı-ayrı şəhərlərinə intensivləşən PUA uçuşları belə düşünməyə əsasə verir.
Ömrü boyunca belə uçuşlar və döyüş əməliyyatları görməyən avropalı futbolçuların qorxuya düşməsi təbiidi. Rusiyadan qaçan növbəti futbolçu norveçli yarımmüdafiəçi Matias Normanndı. “Dinamo”nun baş direktoru Pavel Pivovarov Normannın Moskva klubuna və “Rostov”a müqaviləni pozmasıyla bağlı bildiriş göndərdiyini xəbər verib. Norveçli bildirişdə əsas kimi “Moskva Siti”nin binasına dronun çırpılmasını göstərib.
“Dinamo”nun sabiq müdafiəçisi Vladimir Qranat isə bu xəbərə belə reaksiya verib:
“Normann ilə bağlı hadisə məni təəccübləndirir. Klublar futbolçular üçün bu qədər çox iş görür, onlar isə özlərini belə aparırlar. Daha yaxşı şəkildə anlaşmaq olardı. Dron, sadəcə, Rusiyadan getmək üçün bəhanədi. Ancaq hər adam özü üçün ən yaxşını seçir və təhlükəsizliyinə görə narahat olur – bunu da gözardı etmək olmaz. Hər halda, futbolçu ən azı qəribə davranış göstərib. Mən onu mühakimə etməyəcəm, çünki hər adamın öz fikri var”.
Digər xəbərlər
