AFFA konsertə görə yığmanı BOS-dan "Tofiq Bəhramov"a “köçürüb”
Milli komandamız AÇ-2024-ün seçmə mərhələsi çərçivəsində oktyabrın 16-da doğma meydanda Avstriyanı sınağa çəkəcək.
Qarşılaşma Tofiq Bəhramov adına Respublika stadionunda keçiriləcək. Uzun illərdi mərkəzi arenada oyun keçirməyən millinin yenidən bura qayıtması maraqlıdı.
Məsələ ilə bağlı AFFA ilə əlaqə saxladıq. Qurumun mətbuat xidmətindən aldığımız cavab belə oldu:
"Ölkəmizdə futbol infrastrukturu və stadionların mövcudluğu baxımından durum belədi ki, oyunları fərqli arenalarda keçirə bilərik. Daha əvvəl "Dalğa Arena", "Bakcell Arena"da və rayonlarda milli matçları oynamışıq. Bu dəfə isə qərara gəldik ki, Azərbaycan - Avstriya qarşılaşmasını "Tofiq Bəhamov"da keçirək".
Əslində isə məsələ tam fərqlidi. Qarşılaşmanın ölkənin ən böyük stadionu olan BOS-da keçirilməməsinin səbəbi sentyabrın 2-də adı çəkilən arenada "IMAGINE DRAGONS" (Əjdahanı xəyal et ) qrupunun konsertinin olmasıdı. Arada müəyyən müddət olsa da, stadionu Avstriya ilə görüşə kimi hazırlamaq mümkün olmayacaq. Bu üzdən də AFFA “Tofiq Bəhramov”a üstünlük verməyi qərara alıb.
CAVİD ƏLİYEV
Digər xəbərlər
