RFŞ-nin müdafiəçisi qəzəbləndi: “Tablodakı hesab ədalətsizdi”
Konfrans Liqasının səfər oyununda RFŞ-yə qalib gələn “Sabah”, demək olar ki, növbəti mərhələyə vəsiqənin taleyini həll edib.
“Football-plus.az” xəbər verir ki, rəqib düşərgə belə qiymətləndirmə ilə razı deyil. RFŞ-nin müdafiəçisi Roberts Savalnieks dünənki qarşılaşma ilə bağlı geniş açıqlama verib:
“Sadəcə, qol vəziyyətlərindən yararlana bilmədik. Nə qədər belə imkanımız var idi... Bilmirəm top niyə qapıya getmədi, gah xətdən çıxardılar, gah dirək köməyə gəldi. Bu qədər çox künc zərbəsini boşa verəndə adamın əlləri boşalır. Bu gün də standart vəziyyətimiz çox idi, amma qol vura bilmədik. Rəqib də belə vəziyyətlərdə müdafiədə pis oynaçadı. Hamı bizi standart vəziyyətlərdə təhlükəli olan komanda sayır, düşünürəm ki, rəqib bunu bilirdi və xüsusi şəkildə hazırlaşmışdı. Bununla belə, qol vurmalıydıq. Əlbəttə, tablodakı nəticə ədalətsizdi, bunu haqq etmədik. Ancaq qorxulu heç nə yoxdu – irəlidə cavab oyunu da var. Gücümüz çatan hər şeyi edəcəyik. Səfərdə tam fərqli oyun olacağına inanırıq. Bəlkə biz erkən qol vuracağıq, rəqib panikaya düşəcək, daha bir qol və hər şey yenidən başlayır. Yəqin bu cütdə rəqib favorit sayılır, ancaq ayrıca götürülən matçda ona qalib gələ bilərik”.
Savalnieks ilk qolun müəllifi Letiç haqda da danışıb:
“Onun oyununu təhlil etmişdik, Boyan praktiki cəhətdən cinah müdafiəçisi kimi yox, hücum oyunçusu kimi oynayır. Bir neçə epizodda onu gözdən qaçırdıq. Qola gəlincə, qapı önünə ötürmə idi, top uğursuzcasına hamını keçdi, daha dəqiqi, kimsə ona toxundu və top düz Letiçin ayağına oturdu, zərbəni bloklaya bilmədik”.
ORXAN
Digər xəbərlər
