“Məşq prosesi uğurla davam edir. Ölkə çempionatında nəticə qazana bilmək üçün vaxtımızı düzgün dəyərləndirməyə çalışırıq. Məqsədimiz rəhbərliyin açıqladığı kimi, Konfrans Liqasına vəsiqə qazanmaqdı. Məşqçilər korpusunun tapşırıqlarını maksimum yerinə yetirməyə çalışırıq. İnşallah, hər şey yaxşı olacaq. Yoxlama oyunu da qaneedici nəticə ilə yadda qaldı. Şükür Allaha, qol vurdum.

Bundan sonra məqsədimizə çata bilmək üçün daha çox çalışmalıyıq. Hər şeyi etməliyik ki, özümüzü premyer-liqada yaxşı tərəfdən göstərə bilək. Birinci növbədə məhsuldar kollektiv yığılmalıdı. Bu istiqamətdə rəhbərliyin var gücü ilə çalışdığını görürük. Legionerlər yavaş-yavaş sıralarımıza qatılır. İnanıram ki, sonda istədiyimiz nəticəni əldə edə biləcəyik”.