Yalnız Buendiadan geri qalır

“Aston Villa” heyətini yeni futbolçu ilə gücləndirib.

“Football-plus.az” xəbər verir ki, İngiltərə klubu “Vilyarreal”dan Pau Torresi transfer edib. 26 yaşlı müdafiəçi birmingemilərə 33 milyon funt sterlinqə başa gəlib. Bu, “Aston Villa” tarixinin ikinci ən bahalı transferidi. Rekord isə 2021-ci ildə “Norviç”dən alınan Emiliano Buendiaya məxsusdu. Onda yarımmüdafiəçi üçün 38 milyon funt sterlinq ödənilmişdi.

Torres “Vilyarreal”ın yetirməsidi. O, bu komandada keçirdiyi 173 oyunda 12 qol vurub. Müdafiəçinin İspaniya yığmasında 23 oyun keçirdiyini də bildirək.