UEFA ''maliyyə feyr-pleyi''nin şərtlərinin pozulması ilə bağlı növbəti cəzaları açıqlayıb. 2022/23 mövsümünə aid ödəmə öhdəliyini yerinə yetirə bilmədiyi üçün bir neçə kluba müxtəlif para cəzaları verilib.

"Football-plus.az" xəbər verir ki, onların arasında Türkiyə təmsilçisi ''Konyaspor'' da var. Konyalılara Xorvatiya klubu ''Osiyek'' ilə birlikdə 150 min avro cəza verilib. Bundan başqa ÇFR-ə 250 min avro, ''Olimpiya''ya 100 min avro, ''Aris'' və ''Valmiera''ya 50 min avro, ''Astana''ya 30 min avro, ''Borats'', ''Floriana'' və ''Kızıl-Jar''a isə 10 min avro para cəzası verilib. 6 klub – ÇFR, ''Osiyek'', ''Aris'', ''Astana'', ''Olimpiya'' və ''Riyeka'' 2 illik şərti cəza alıblar.

Bu müddətdə bu klublar ''maliyyə feyr-pleyi''nin şərtlərini yenidən pozsalar, 2027-yə qədər avrokuboklara buraxılmayacaqlar.

Xatırladaq ki, ''Konyaspor''da həmyerlimiz Mahir Emreli çıxış edir. Müqavilə ilə Zaqreb ''Dinamo''suna məxsus olan yığmamızın üzvü Türkiyədə mövsümün sonuna qədər icarə əsasında oynayacaq.

Qeyd edək ki, Konya klubu Mahirlə yanaşı bu qış transfer olunan daha 3 futbolçu – Metehan Mərt, Alexandro Potsuelo və Marlos Moreno üçün imza mərasimi keçirib.

Əli