“Bildiyiniz kimi, növbəti mövsümdən əvəzedici komandaların ayrıca çempionatı keçiriləcək. Birinci divizionda isə 10 komandanın olması nəzərdə tutulub. Vakant 4 yerimiz var ki, bundan əvvəlki açıqlamalarımızda da divizionda iştirak etmək istəyən çox sayda komandanın müraciət etdiyini bildirmişik. Onların hamısının birinci divizionda iştirakını təmin edə bilmirik. Və AFFA rəhbərliyi ilə ikinci divizionun yaradılması ilə bağlı aramızda fikir mübadiləsi oldu. Assosiasiya rəhbərliyi təklif etdi ki, 1-ci divizionda çıxış etməyən komandalar gücünü ikinci divizionda sınasın. Bu təklif İcraiyyə Komitəsinə bildirildi. İyunun 3-də İcraiyyə Komitəsinin fövqəladə iclası baş tutdu. Qərara əsasən AFFA-nın baş katibliyinə və PFL-ə ikinci divizionun yaradılması ilə bağlı tapşırıq verildi. Biz də bu gündən etibarən sözügedən yarışla bağlı araşdırmaya başlayırıq. İkinci divizionda iştirak potensialı olan komandalarla danışıqlara start veriləcək. Müəyyən prodedurlar var ki, onlar həyata keçirilməlidi. Ondan sonra bu yarışın hansı sistemlə keçiriləcəyi ilə bağlı müzakirəmiz olacaq. Bir sözlə, görüləsi iş çoxdu. Məhz bu səbəbdən indiki məqamda ətraflı məlumat verə bilmirik. Araşdırma bitəndən sonra hansı komandaların ikinci divizionda çıxış edəcəyi ilə bağlı ictimaiyyətə əlavə məlumat veriləcək”.