"Hər iki klubun heyətində ölkə kubokunun final matçında iştirak etmişəm. Bəli, 9 il öncəki final oyunu "Qəbələ"də olduğum vaxta təsadüf edir. Bölgə təmsilçisi 2022/23 mövsümündə həm ölkə çempionatında, həm də kubok matçlarında böyük uğurlar qazanıb. Pərəstişkarlarının sayında da xeyli artım müşahidə olunur. Rəqibə nisbətən daha yaxşı vəziyyətdədi.

Buna baxmayaraq, matçdan öncə fikir yürütmək çətindi. Düşünürəm ki, oyun anında belə kimin güclü, kimin zəif çıxış etdiyini demək asan olmayacaq. Hər iki klub tarixi matça çox ciddi hazırlaşacaq.

Bilindiyi kimi, "Qəbələ" yüksəlişdədi. Amma qalib olmaq istəyirsə, səbirli davranmalıdı. "Neftçi"yə qarşı ani diqqətsizlik ağır nəticələnə bilər. Bununla yanaşı, rəqibin doğma meydanda oynadığını da nəzərə almaq lazımdı. Bakı təmsilçisinə gəlincə, premyer-liqada bürünc medal qazansa da, tərəfdarlarını razı sala bilməyib. Özünü sübut etmək üçün kuboku əldə etməlidi.

Favorit haqda qərar vermək asan deyil. Mövsümün son matçıdı. Hər iki komanda qələbə uğrunda bütün gücünü ortaya qoyacaq".