Niderlandın birinci divizionunda 34-cü turun oyunları keçirilib.

"Football-plus.az" xəbər verir ki, Ozan Can Kökçünün formasını geydiyi “Eyndhoven” doğma meydanda “Breda”ya uduzub - 1:2. Millinin yarımmüdafiəçisi 78-ci dəqiqədə meydana çıxıb. “Eyndhoven” 51 xalla 20 komanda arasında səkkizincidi.

Koreya çempionatında 8-ci tur çərçivəsində Anton Krivotsyuklu “Daejeon Sitizen” səfərdə “Daequ”ya 0:1 hesabıyla yenilib. Millinin müdafiəçisi iki tur öncə qırmızı vərəqə aldığına görə bu görüşün iştirakçısı olmayıb. Dünən isə 9-cu tura start verilib. “Daejeon Sitizen” səfərdə “Jeonbuk”a qalib gəlib - 2:1. Anton bu dəfə görüşü əvəzlənmədən keçirib.

Komandasının ilk qolunu da 51-ci dəqiqədə məhz yığma üzvü vurub. “Daejeon Sitizen” 17 xalla 12 iştirakçının sıralamasında üçüncüdü.

İsveçrə çempionatında 29-cu turun görüşləri arxada qalıb. Renat Dadaşovlu “Qrasshopper” səfərdə “Vintertur”u üstələyib - 2:1. Oyunu əvəzlənmədən keçirən millinin forvardı 45+1-ci dəqiqədə komandasının ikinci qolunu vurub.

“Qrasshopper” iki gün öncə isə 30-cu tur çərçivəsində doğma meydanda lider “Yanq Boyz”a qalib gəlib - 4:1. Renat 67-ci dəqiqədə oyuna qoşulub. 78-ci dəqiqədə isə qazanılan penalti zərbəsini vurmaq istəyib. Lakin onun üzərinə şığıyan kapitan Dominik Şmid topu gənc forvarddan alaraq Petar Puşiçə verib. Bu isə hesabında 8 qol olan Dadaşovun xoşuna gəlməyib.

Nəticədə o, uzun müddət kapitana sərt şəkildə etirazını bildirib. Baş məşqçi Corcio Kontini də oyundan sonra bu məsələyə toxunub: