“Dürüst olmaq lazımdı. “Neftçi”ni yaxşı oynayanda tərifləyən, pis oynayanda isə tənqid edənlərdən biri də mənəm. Bu dəfə heç xoşuma gəlmədi. Dünənki oyunu Bakı klubuna yaraşdırmadım. İnanmazdım ki, “Neftçi” belə pis təsir bağışlayar.

“Turan Tovuz” daha çox müdafiədə oynayıb əks-hücumlarla qol axtarışında olan komandadı. Bu dəfə də elə etdilər. Səhvi bağışlamayaraq ilk fürsəti yüksək səviyyədə dəyərləndrdiilər. Lakin deməzdim ki, Tovuz təmsilçisi də yaxşı oynadı. Sadəcə, “ağ-qaralar” özündə deyildi. “Neftçi” azarkeşləri geniş və sədaqətli kütlədi. Bütün oyunlarda futbolçular qədər əziyyət çəkirlər. Komandalarının onları məyus etməyə haqqları yoxdu.

Hazırda Bakı klubu müdafiə xəttindəki problemlərdən əziyyət çəkir. Qol epizodunda da bunun şahidi olduq.

Məğlubiyyətin səbəbini futbolçularda və ya baş məşqçidə axtarmaq düzgün deyil. “Neftçi” belə xoşagəlməz oyun sərgiləyirsə, rəhbərlikdən tutmuş hər kəs günahkardı. Heç kim əksini iddia edə bilməz.

Ümid edirəm ki, növbəti oyuna qədər toparlanıb finala vəsiqəni təmin edəcəklər. “Neftçi”dən gözləntilər böyükdü. Ümidləri doğrultmalıdı”.