“Turan Tovuz” meydanda daha istəkli görünürdü. “Neftçi” isə həvəssiz və süst təsir bağışladı. Paytaxt klubunun futbolçularında qələbə əzmi hiss olunmurdu. Futbolda hər şey inanmaqdan başlayır. "Ağ-qaralar” belə davam etsə, mərhələ keçə biləcəyini düşünmürəm. Heyətə təcili müdaxilə lazımdı. “Neftçi”nin hansı səviyyəli futbolçulardan təşkil olunduğu hamıya bəllidi. Məğlubiyyətin səbəbləri kimi, meydan amilini və baş məşqçinin bəzi yanlışlıqlarını göstərmək olar. “Neftçi”nin müdafiə xəttində problemlər gözə dəyir. Sabiltlik də yoxdu. Laurentsiu Regekampf bu istiqamətdə tədbir görmək üçün tələsməlidi. Tovuz stadionundakı meydan da peşəkar futbolçular üçün rahat deyil. Bunu oyunçuların performansını izlədikdə görmək olur. Həmin heyətlər digər qazonların üzərində daha rahat və baxımlı oynayır.

Mən bölgə təmsilçisindən qələbə gözləmirdim. Ən yaxşı halda heç-heçə olacağını bildirmişdim. Nəticə məni təəccübləndirdi. “Turan Tovuz”un qələbəsi performans və mənəvi ruh cəhətdən layiqli oldu. Hakimlər də oyunu rahat idarə etdi. Penalti epizodundan başqa problem yaşanmadı.
Cavab oyununa gəlincə, dünənki “Neftçi” qələbə qazana bilməz. Dəyişikliklər labüddü. Yoxsa gec olacaq”.