Bu il Azərbaycanda “Heydər Əliyev İli” elan edilib. Azərbaycan Respublikasının Prezidenti İlham Əliyev cənablarının ötən il sentyabrın 29-da imzaladığı Sərəncamla bu il ölkəmizdə ümummilli lider Heydər Əliyevin yubileyi qeyd olunur. Heydər Əliyev ölkəmizin təkcə siyasi həyatında böyük rol oynamayıb, həm də idmanımızın inkişafında müstəsna xidmətlər göstərib, idmanımıza və idmançılarımıza həmişə xüsusi qayğı ilə yanaşıb. Dahi rəhbərin xüsusi qayğı ilə yanaşdığı idman növlərindən biri də şahmat olub.

Heydər Əliyev Azərbaycan şahmatının ən böyük dəstəkçilərindən biri olub. Hələ sovetlər dövründə Bakıda və regionlarda şahmat məktəblərinin tikilməsi ulu öndərin təşəbbüsü ilə reallaşıb. Müstəqilliyimizi bərpa etdikdən sonra Heydər Əliyev şahmata dəstəyini davam etdirib, şahmatçılarla görüşlər keçirib. 1998-ci ildə Azərbaycanın ən güclü şahmatçıları sayılan Rauf Məmmədov, Qədir Hüseynov, Teymur Rəcəbov və mərhum Vüqar Həşimovu qəbul edib. Həmin qəbulda taleyüklü qərarlar qəbul olunub, Teymur Rəcəbovla Vüqar Həşimovun dövlətin dəstəyi ilə xüsusi hazırlıq keçməsi, yarışlara qatılması üçün göstərişlər verilib. Ondan sonra məhz bu şahmatçılar böyük uğurlar qazandılar. Maraqlı məqam odu ki, bu dörd şahmatçı sonradan dünyamiqyaslı şahmatçıya çevrildi, Azərbaycan şahmatının aparıcı simaları oldular. Şahmat məktəbləri müstəqillik dövründə xeyli artırıldı, onların şəraiti yaxşılaşdırıldı. Bu da məhz ulu öndərin təşəbbüsü ilə baş tutub. Ulu öndərin şahmatımıza göstərdiyi qayğı ölkə başçısı İlham Əliyev tərəfindən də davam etdirilib. Məhz onun Sərəncamı ilə Azərbaycanda şahmatın inkişafı üçün 2009-14-cü illəri əhatə edən Dövlət Proqramı təsdiq olunub. Bu proqram dünya ölkələri üzrə qəbul edilən ilk dövlət proqramıdı. Bundan sonra bir neçə ölkədə belə proqram qəbul edilib. FİDE də həmişə Azərbaycanın qəbul etdiyi proqramı başqalarına nümunə göstərib. Məhz bu proqram çərçivəsidə ölkənin bir çox orta məktəblərində şahmat ayrıca fənn kimi tədris olunmağa başlayıb.
Bütün bunları bir daha nəzərdən keçirəndə görürük ki, Azərbaycan Şahmat Federasiyasının da “Heydər Əliyev İli”nin qeyd edilməsinə xüsusi tədbirlər planı ilə hazırlıq görməsi heç də təsadüfi deyil.

Azərbaycan Şahmat Federasiyasından aldığımız məlumata görə, federasiya “Heydər Əliyev İli”nə töhfə vermək üçün silsilə tədbirlər planlaşdırıb və bu tədbirlər il ərzində davam edəcək. Həm ölkə miqyasında, həm də beynəlxalq tədbirlərin keçirilməsi nəzərdə tutulub. 2023-cü il ərzində Bakıda və paytaxtdan kənarda 100 löhvədə simvolik şahmat seansları keçiriləcək. Bunlardan birincisi artıq martın 17-də Qubada keçirilib. Zeynəb Məmmədyarova, Abdulla Qədimbəyli, Misrəddin İsgəndərov və Aydın Süleymanlı ilk şahmat seansının iştirakçısı olublar. Bu seansların davamının bir neçə regionda da keçirilməsi gözlənilir. Təbii ki, ən böyük tədbir ulu öndərin doğum günü, yəni mayın 10-da Dənizkənarı Bulvarda keçiriləcək. Həmin tədbirdə də 100 löhvədə şahmat seansının keçirilməsi nəzərdə tutulub. Burda Azərbaycan şahmatının ən üzdə olan simaları, yəni kişi və qadınlardan ibarət yığmaların üzvləri iştirak edəcəklər. Eyni zamanda xatirə turnirlərinin keçirilməsinə də hazırlıq görülür. Bir məqamı qeyd edək ki, məhz “Heydər Əliyev İli”nə töhfə kimi son illərin ən böyük mükafat fondu nəzərdə tutulan “Baku Open-2023” keçiriləcək. Bu turnir mayın 3-dən 13-nə kimi A, B, C qruplarında yarışacaq şahmatçılar arasında təşkil olunacaq. Mükafat fondu 55 min ABŞ dolları olan yarışda da gərgin mübarizə gözlənilir. Çünki bu tip yarışlarda 55 min dollar mükafat fondu ən yaxşılardan sayılır. Yüksək reytinqli şahmatçıların çoxu bu yarışa qatılmaq arzusunu bildirib.

Eyni zamanda müxtəlif şahmat məktəblərində gənc və yeniyetmə şahmatçılarla təcrübəlilərin görüşü planlaşdırılıb. Şahmat Federasiyasının təşəbbüsü ilə həmin görüşlərdə yerli şahmat məktəblərinə müxtəlif ləvazimatlar hədiyyə olunur ki, bu da “Heydər Əliyev İli”ndə keçiriləcək tədbirlər planına daxildi. Artıq Qubada bu hədiyyələr təqdim olunub. Bura şahmat oyununa aid 200-dən artıq ləvavimat daxil edilib.
Bu istiqamətdə planlaşdırılan və görülən işlər ilə bağlı Azərbaycan Şahmat Federasiyasından bizə bunları bildirdilər: