“Həyatda futboldan 100 dəfə önəmli şeylər var” - Haverts uzunqulaqlara olan sevgisindən danışdı
“Çelsi”nin aparıcı futbolçularından olan Kay Haverts İngiltərənin “Qardian” nəşrinə maraqlı və gündəmə düşəcək açıqlamalar verib.
"Football-plus.az" xəbər verir ki, 23 yaşlı almaniyalı yarımmüdafiəçi uzunqulağa olan sevgisindən danışıb və həyatında futboldan daha vacib şeylərin olduğunu deyib:
“Bəzi komanda yoldaşlarım məni “uzunqulaq” adlandırır. Amma bunun futbolla əlaqəsi yoxdu. Uşaq vaxtımdan uzunqulaqlara xüsusi sevgim var. Çünki çox sakit heyvanlardı. Bu baxımdan özümü onlara bənzədirəm. Bütün gün istirahət edirlər. Artıq hərəkətə yol vermirlər və sadəcə, həyatdan zövq alırlar.
Əvvəllər uduzduğum oyunlardan sonra heyvan fermasına tez-tez gedirdim. Ora gedirsən, heyvanlara baxırsan və onların gözündə insani nəsə bir şeylər görürsən. Bu, mənim üçün terapiya kimi idi və həmin an sanki psixoloji rahatlıq tapırdım. Futbol həyatımın heç də ən vacib hissəsi deyil. Futboldan 100 dəfə daha önəmli olan şeylər var. Düzdü, bilirəm ki, bu sözlərim bəzilərinin xoşuna gəlməyəcək. Amma mən öz reallığımı və hisslərimi dilə gətirirəm. Məğlub olduğum qarşılaşmadan sonra bu hadisəyə görə bütün günümü məhv edə bilmərəm.
Sevgilim Londona köçüb mənim yanımda yaşamaq üçün Almaniyadakı həyatından və hər şeydən imtina etməli oldu. Uduzduqdan sonra evə gedib onun gününü bərbad etməyə haqqım yoxdu! Əvvəllər belə düşünmürdüm. Amma yaşa dolduqca və təcrübə topladıqca dəyişməyə başladım. “Çelsi”də qısa müddət ərzində çox şey dəyişdi. Yeni oyunçular və baş məşqçi gəldi. Uyğunlaşmaları üçün zaman lazımdı. Fernandes və Mudrik kimi oyunçulara böyük pullar ödənilsə də, onların cəmi 22 yaşı var. Onlardan bir andaca Neymar olmalarını gözləmək düzgün deyil. Mənim timsalımda olduğu kimi zamana ehtiyacları var.
Mənə görə də böyük pullar ödənilmişdi. 80 milyon avro qarşılığında transfer olunaraq klub tarixinin ən bahalı oyunçusuna çevrilmişdim. Bir klubun bir futbolçuya görə bu qədər pullar ödəməsi ağlasığmazdı. Bu məbləğ oyunçunun üzərində çox böyük təzyiq yaradır. Çünki insanlar dərhal onun içindən Messi çıxacağını zənn edir. Hər futbolçunun bir cür həyat tərzi var. Bəziləri bahalı geyimləri, brilyantı və s. şeyləri sevir. Belələrini görəndə öz-özümə “axı bu nəyə lazımdı” sualını verirəm. Bu, kənardan süni görünür. Amma elələri də var ki, dəbdəbəli həyata maraqları yoxdu. Məsələn, Toni Kroos onlardan biridi. Sakit xarakteri var və sakit də həyata üstünlük verir. Onun üçün də həyat yalnız futboldan ibarət deyil.
Nqolo Kante də fərqli cürdü. O, eyni telefonu artıq 10 ildi işlədir! Onu bahalı geyimlər və maşınlar maraqlandırmır. Amma insanları xərclədikləri pullara əsasən dəyərləndirmək yanlışdı. Bu, onları xoşbəxt edirsə, bizim qarışmağımız düzgün deyil. Bəlkə də onlar da yaxşı insanlardı. Sadəcə, özlərini bu cür göstərməyi sevirlər”.
Əvvəllər uduzduğum oyunlardan sonra heyvan fermasına tez-tez gedirdim. Ora gedirsən, heyvanlara baxırsan və onların gözündə insani nəsə bir şeylər görürsən. Bu, mənim üçün terapiya kimi idi və həmin an sanki psixoloji rahatlıq tapırdım. Futbol həyatımın heç də ən vacib hissəsi deyil. Futboldan 100 dəfə daha önəmli olan şeylər var. Düzdü, bilirəm ki, bu sözlərim bəzilərinin xoşuna gəlməyəcək. Amma mən öz reallığımı və hisslərimi dilə gətirirəm. Məğlub olduğum qarşılaşmadan sonra bu hadisəyə görə bütün günümü məhv edə bilmərəm.
Sevgilim Londona köçüb mənim yanımda yaşamaq üçün Almaniyadakı həyatından və hər şeydən imtina etməli oldu. Uduzduqdan sonra evə gedib onun gününü bərbad etməyə haqqım yoxdu! Əvvəllər belə düşünmürdüm. Amma yaşa dolduqca və təcrübə topladıqca dəyişməyə başladım. “Çelsi”də qısa müddət ərzində çox şey dəyişdi. Yeni oyunçular və baş məşqçi gəldi. Uyğunlaşmaları üçün zaman lazımdı. Fernandes və Mudrik kimi oyunçulara böyük pullar ödənilsə də, onların cəmi 22 yaşı var. Onlardan bir andaca Neymar olmalarını gözləmək düzgün deyil. Mənim timsalımda olduğu kimi zamana ehtiyacları var.
Mənə görə də böyük pullar ödənilmişdi. 80 milyon avro qarşılığında transfer olunaraq klub tarixinin ən bahalı oyunçusuna çevrilmişdim. Bir klubun bir futbolçuya görə bu qədər pullar ödəməsi ağlasığmazdı. Bu məbləğ oyunçunun üzərində çox böyük təzyiq yaradır. Çünki insanlar dərhal onun içindən Messi çıxacağını zənn edir. Hər futbolçunun bir cür həyat tərzi var. Bəziləri bahalı geyimləri, brilyantı və s. şeyləri sevir. Belələrini görəndə öz-özümə “axı bu nəyə lazımdı” sualını verirəm. Bu, kənardan süni görünür. Amma elələri də var ki, dəbdəbəli həyata maraqları yoxdu. Məsələn, Toni Kroos onlardan biridi. Sakit xarakteri var və sakit də həyata üstünlük verir. Onun üçün də həyat yalnız futboldan ibarət deyil.
Nqolo Kante də fərqli cürdü. O, eyni telefonu artıq 10 ildi işlədir! Onu bahalı geyimlər və maşınlar maraqlandırmır. Amma insanları xərclədikləri pullara əsasən dəyərləndirmək yanlışdı. Bu, onları xoşbəxt edirsə, bizim qarışmağımız düzgün deyil. Bəlkə də onlar da yaxşı insanlardı. Sadəcə, özlərini bu cür göstərməyi sevirlər”.
Digər xəbərlər
