“Ümumiyyətlə, ölkə xaricinə ilk səfərim idi. Bunun milli komanda ilə gerçəkləşməsi məndə ayrıca xoş təəssürat yaratdı. Yığma üzvlərini ilk dəfə bu qədər yaxından görürdüm. Onlarla maraqlı söhbətlərimiz oldu. Ümumiyyətlə, futbolla maraqlanıram. Klublarımızın oyunlarını stadiondan izləmişəm. Milli komandanın qarşılaşmalarına da vaxt olduqca arenadan baxıram. Məsələn, Portuqaliya və Xorvatiya ilə görüşləri stadiondan canlı izləmişəm. “Qarabağ”la “Neftçi”nin avrokubok matçlarını da həmçinin. Səfər çox xoş keçdi. Həm Avstriyadakı, həm də İsveçdəki stadionlarda əla ab-hava var idi. Bu da mənə çox xoş təsir bağışladı. Sonda AFFA-ya və Yaşat Fonduna təşəkkür etmək istəyirəm. Sağ olsunlar ki, mənim üçün belə şərait yaratdılar. Ölkə xaricinə mənimlə birgə yollanan hər kəs isti münasibət göstərdi. Ümid edirəm ki, belə layihələr davamlı olacaq”.