“Qaradağ Lökbatan”da ŞOK! Baş məşqçi futbolçuları oyun alğı-satqısında ittiham etdi - ÖZƏL
Ötən mövsüm birinci divizionda çempionluğu bayram edən “Qaradağ Lökbatan” 2022/23 mövsümündə heç də son çempiona layiq çıxış etmir.
Qəsəbə təmsilçisi hazırda turnir cədvəlinin 10-cu pilləsində qərarlaşıb. Etibarlı mənbədən “Football-plus.az” a daxil olan bilgiyə əsasən, komandanın uğursuz çıxışı daxili çəkişmələrə yol açıb, klubdaxili ab-hava yetərincə korlanıb.
Lökbatanlıların son iki oyunda - əvvəlcə “İmişli”yə, ardınca “Şamaxı-2”yə yenilməsi isə narazılığın kuliminasiya nöqtəsi olub.
“Şamaxı-2”yə məğlubiyyətdən sonra paltardəyişmə otağına girən baş məşqçi Füzuli Məmmədov “oyun satırsız, hamınızı qovacam” deyib. Komandanın təcrübəli futbolçusu Sabir Allahquliyev onun bu sözlərinə qarşılıq verərərək “ümumi danışma, belə bir şey varsa, konkret ad çək” söyləyib ki, bu da Füzuli bəyi lap özündən çıxarıb. Sabirin iradını özünə təhqir kimi qəbul edən baş məşqçi onu və Ruslan Voronsovu komandadan qovub.
Söylənilənləri dəqiqləşdirmək üçün Allahquliyevlə əlaqə saxladıq. Təcrübəli forvard deyilənləri təsdiq etdi:
“Şamaxı-2” ilə matçdan sonra paltardəyişmə otağında baş məşqçi ilə aramızda xoşagəlməz söhbət oldu. Məni tanıyan hər kəs bilir ki, necə insanam. Həyatımboyu belə şərəfsizliyə qol qoymaram. Məhz bu səbəbdən onun iradına cavab verdim. Bundan sonra Azər Haşımova tapşırıb ki, məni, Ruslan Voronsovu və bir gənc oyunçunu məşqə buraxmasın. Özünə mesaj yazdım ki, görüşək, bu məsələyə aydınlıq gətirək. Bu nə söhbətdi? Ancaq yığmanın toplanışında olduğunu bildirib, ayın sonunda görüşə biləcəyini yazdı.
Bu söz-söhbətin sonuna kimi gedəcəm. İmkan vermərəm ki, kimsə məni oyun alğı-satqıında ittiham etsin. Bütün futbol camiəsi kimin kim olduğunu yaxşı bilir”.
Bu söz-söhbətin sonuna kimi gedəcəm. İmkan vermərəm ki, kimsə məni oyun alğı-satqıında ittiham etsin. Bütün futbol camiəsi kimin kim olduğunu yaxşı bilir”.
RƏŞAD
Digər xəbərlər
