"Canni de Byazi ilə müqavilə müddətinin artırılması tərəfdarları buyurun, meydan sizindi. Bu millinin potensialı var. Məsələn, Tərlan Əhmədovu milli komandaya gətirmək olar. Niyə də olmasın?

Bəxtiyar "Sabah"da belə əsas heyət üzvü sayılmır. Mən mərkəzdə Höccətlə başlayıb (o, həmişə mərkəz müdafiəçisi olub. Başa düşmürəm, niyə De Byazi Höccətdən israrla cinah müdafiəçisi kimi yararlanır?) cinahda Krivotsyuka şans verərdim.

Yusifə gəlincə gəncdi, karyerası irəlidədi. Bu gün Avstriyaya məğlub olduq, amma bir qapıçı qazandıq".

"Vəssalam, heç kimə lazım olmayan 5 oyunun eyforiyasına girənlər özlərində cəsarət tapıb əsl reallığı etiraf etmək əvəzinə Bəxtiyarla Yusifin üstünə düşəcək. Sən demə, Azərbaycan millisinin problemi onlar imiş. Ayıbdı. Bu düşüncə sahibləri Azərbaycan futboluna heç də Rövnəq Abdullayevdən, Elxan Məmmədovdan az zərər vermir".

"Azərbaycan futbolunun maksimumu Mahir Emrelidisə gerisini boş verin".

"Yusifi qapıya qoymaq boş avantüra idi. Çempionatı izləyən hamı bilir ki, "Sabah"da qapıya gələn normal zərbələrin çoxu qol olur.

Bəxtiyar isə bir aydı futbol oynamırdı. Almeydada alındısa, o demək deyil ki, seçim yenə özünü doğruldacaq...
Oyunu De Byazi uduzdu. Avstriya meydanda belə qorxulu görünməməliydi".

"Əziyyət çəkib Avstriyaya getməyə ehtiyac yox idi. 0:3 texniki məğlubiyyət versəydilər, daha yaxşı olardı".

"De Byazi müsahibədə deyir ki, ölkədə Höccətdən güclü sağ cinah müdafiəçisi olsaydı oynadardım, yoxdu. Ən güclü sağ cinah müdafiəçisi Amin Seydiyevdi. Bəyənmədikləri Maksim Medvedev də müdafiənin mərkəzində Bəxtiyar Həsənalızadədən daha çox xeyir verərdi, ən azı belə dinamik oyunlarda Avropa təcrübəsi və mövqe seçimi var".