“Matçlar çox gərgin keçir. Bəzi qayda pozuntularının olması normaldı. Rəqiblərimiz bir çox hallarda aqressiv oyun sərgiləyir. Bəzən ədalətsiz qərarlarla da rastlaşırıq. VAR sisteminin çatışmazlıqları üzündən rəqibin xeyrinə penaltı təyin olunur və bu qolla nəticələnir. Belə problemləri xarici klublar da yaşayır, yalnız Azərbaycana xas deyil. Bəzi epizodlarda ayrı-seçkilik olur. “Səbail”dəki təcrübəmdə belə halları intensiv müşahidə edirəm. Ədalətsiz qırmızı və sarı vərəqələr görürük. Gileylənmirəm, amma bunlar faktdı. Və əcnəbi araşdırmaçıların da diqqətindən yayınmır”.

“Qayda pozmaq oyunun tərkib hissəsidi və burda qeyri-adi bir şey yoxdu. Matçlarda rəqabət olur və istər-istəməz xoşagəlməz hallar yaşanır. Hər bir komandanın başına gələn hadisədi. Bəzən futbolçu topu rəqibdən almaq və ya qorumaq üçün aqressiv oynamağa məcbur olur və nəticə ürəkaçan olmur. Bəzən də hakimlər xırda səhvlərə yol verir, nəsə gözdən qaçır və düzgün oyun tərzi qayda pozuntusu kimi qeydə alınır. Biz çalışırıq ki, qaydalardan kənara çıxmayaq”.