Nadal PSJ-nin hücumçusu Kilian Mbappenin “Real”a transferinin alınmamasına da toxunub.

Football-plus.az xəbər verir ki, ispaniyalı tennisçi məsələ ilə bağlı bunları deyib:

“O, “Real”a keçmək istəyirdi, ancaq böyük təzyiq altında olduğundan qərar verməsi çətin idi. Gələcəkdə onu Madriddə görəcəyimə ümid edirəm. Şəxsən mən günü sabah Mbappe ilə müqavilə imzalayardım”.

Xatırladaq ki, Mbappe ötən mövsümün ardından Madrid klubuna keçə bilərdi, ancaq transfer futbolçunun təşəbbüsü ilə baş tutmadı. Fransalı hücumçu son anda PSJ ilə müqaviləsinin müddətini 2025-ci ilə qədər uzatmağa qərar verdi.