“Liverpul”un əfsanələrindən Lempard baş məşqçi postunda bir il davam gətirdi.

Football-plus.az xəbər verir ki, onu 2022-ci il yanvarın 31-də təyin etdilər, bu il yanvarın 23-də qovdular.

• Bir il əvvəl Lempard Rafael Benitesin əvəzinə gəlmişdi – onda komanda 16-cı pillədə qərarlaşmışdı, düşmə zonasından 4 xal öndə idi. Komanda mövsümün ilk 20 oyununun 11-də uduzmuşdu.

• “Everton” indi sonuncudan əvvəlki pillədədi. Komandanı “xilaskar” 17-ci yerdən 2 xal ayırır. Yenə 20 oyundan sonra 11 məğlubiyyət var, xal sayı isə 4 vahid azdı.

• “Everton” ötən dəfə ölkə kubokunda 1/4 finala qədər irəliləsə də, həmin mərhələdə “Kristal Pelas”a 0:4 uduzdu. Bu mövsüm isə 1/32 finalda “Mançester Yunayted”ə uduzdular. Elə Liqa kubokunda da çox tez – 1/16 finalda dayandılar (Bornmut – 1:4).

• “Everton” Lempardın rəhbərliyi altında keçirdiyi 38 çempionat oyununda 35 xal toplayıb. Bir baş məşqçi orta hesabla 1-dən az xal toplayırsa, belə aqibətlə üzləşməsi təbiidi.

• Komanda Lempardın rəhbərliyi altında bütün turnirlərdə keçirdiyi 44 oyunun yalnız 12-də qələbə qazanıb. Qələbə faizi çox aşağıdı – 27.

• Bu dönəmin ən emosional məqam 33-cü turdan təxirə salınan, mayın 19-da keçirilən “Kristal Pelas”la ev oyununda yaşandı. Onda “göylər” son yarım saatda 0:2-ni 3:2-yə çevirməklə premyer-liqada yerini qorudu. Azarkeşlər həm Kalvert-Lüinin 85-ci dəqiqədə vurduğu qələbə topundan, həm də oyundan sonra meydana qaçdı. Lempard isə bunu karyerasının ən möhtəşəm anlarından biri adlandırdı.

Bu arada...

"Everton" futbol klubu artıq satışa çıxarılıb. "The Guardian" xəbər verir ki, Fərhad Moşiri Mersisayd təmsilçisini satmaq niyyətindədi. O, 500 milyon funt sterlinqdən çox olan təklifləri nəzərdən keçirməyə hazırdı. Artıq bir neçə potensial alıcı marağını ifadə edib. Satış prosesini “Deloitte” həyata keçirəcək.