Srağagün “San-Antonio”nu məğlub edən “Memfis” ardıcıl 8-ci qələbəsini qazandı və Qərb konfransının turnir cədvəlinin önündə qərarlaşıb.

Dünən səhər saatlarında keçirilən və siz qəzeti oxuyarkən artıq başa çatan “San-Antonio” – “Qolden Steyt” oyunu ilə bağlı çox maraqlı statistik incəlik var. Belə ki, “San-Antonio” artıq oyuna 63592 bilet satdığını elan edib. Oyun Texas ştatındakı 65 min yerlik “Alamodom” arenasında keçiriləcək. Ayaqüstü yerləri də nəzərə alsaq, bu idman qurğusu 68 min azarkeş qəbul edə bilir. Bununla da MBA-da 25 ilə qədər yaşayan tamaşaçı rekordu qırıldı. Əvvəlki rekord 1998-ci il martın 27-də keçirilən “Atlanta” - “Çikaqo” – oyununda qeydə alınmışdı. Onda Maykl Cordanın heyətində son mövsümü keçirdiyi “Çikaqo”nun yerli komanda ilə oyununu izləmək üçün “Corciya Doum”a 62046 azarkeş toplaşmışdı.