“Çikaqo” “Boston”un qələbə seriyasını qırdı
Srağagün “Boston”u məğlub edən “Çikaqo” ardıcıl 4 məğlubiyyətdən sonra ilk qələbəsini qazandı, həmçinin rəqibin 9 oyunluq qələbə seriyasını qırdı.
Bu oyunda 22 xal toplayan müdafiəçi Zak Lavin nəticəyə belə reaksiya verdi:
“Bizim üçün vacib oyun idi. “Çikaqo” ardıcıl bir neçə oyunda uduzmuşdu, rəqibin isə qələbə seriyası vardı. Hesab edirəm ki, yaxşı komandamız var, ancaq zaman-zaman solğun oyunlar keçiririk, pis oynayırıq. Ancaq basketbolda hər şey sürətlə dəyişir”.
Dünənki oyunlarla bağlı da maraqlı seriyalar var. Səfərdə “Memfis”i məğlub edən “Sakramento” ardıcıl 7-ci qələbəsini qazandı. “Detroyt” da “Denver”lə səfər oyununda qələbəyə sevindi. Bu isə o deməkdi ki, “Pistons” 7 məğlubiyyətdən ibarət uğursuz seriyanı qırdı.
