"Bizdə futzal məktəbi olmadığına görə mövsümün əvvəlindən böyük futboldan, küçədən, hardan gəldi uşaqları seçirik. Düzdü, çətindi, amma məcburuq. Hələ də seçimlər davam edir. Hazırlıq çərçivəsində yenə oyunçu cəlb edə bilərik. Hələ ki 18 nəfərlə təlim-məşq toplanışına başlamışıq. Zədəlimiz yoxdu. AFFA da lazımi şəraitlə bizi təmin edib. Bu toplanışda topla məşq etməyəcəyik. Ancaq fiziki məşqlər olacaq. Çünki uşaqlar fiziki cəhətdən çox zəifdilər, güc toplamaları vacibdi. "Zirə"dən dəvət etdiyimiz Kərim Babayev 2006-cı il təvəllüdlüdü. Lakin bu o demək deyil ki, futzala gəldisə, böyük futbolla məşğul olmayacaq. Bir qədər sonra özü seçim edəcək: böyük futbol, yoxsa futzal? Bilmirəm, məşqçilər niyə bunu başa düşmək istəmir və futbolçuları bizə vermirlər? Dünyanın ən güclü futbolçularının çoxu elə futzaldan başlayıb. Kərimi də çempionatda oynatmaq istəyirdik, lakin "Zirə" icazə vermədi. İndi isə millinin məşqlərinə qatılıb. Bildiyim qədər "Zirə"nin U-19, U-17 komandalarında oynayıb. Bu toplanışda yoxlama oyunu olmayacaq. "Araz-Naxçıvan"ın braziliyalı fiziki hazırlıq üzrə məşqçisini də dəvət etmişik. Hazırda ancaq bu istiqamətdə məşqlər baş tutur. Alesio özü də hərdən gəlir, kömək edir. Martda növbəti toplanışımız olacaq. Elə həmin ayın 21-də isə seçmə mərhələ başlayır. Buna görə martda baş tutacaq təlim-məşq toplanışında yoldaşlıq oyunları keçirəcəyik”.

"Kərimlə dəfələrlə bu barədə söhbət etmişik. Ona konkret dedik ki, artıq seçim etməlidi. Çünki böyük futbolu seçsə, növbəti ildən U-19 komandamızda çıxış edəcək. Bu da o deməkdi ki, o artıq premyer-liqanın, peşəkar komandanın astanasındadı. Kərim belə bir dönəmdə futzalda çıxış edirsə, onu seçirsə, fikrimcə, düz etmir. Mən ona fikrimi bildirmişəm. Amma o milli komandanı önə çəkir. Futzaldan həqiqətən də bizə zəng edib, Kərimi çağırdılar. Biz də yığma olduğuna, ölkəmizin layiqli təmsil olunmasında qatqımızın olacağına görə razılıq verdik. Amma o öz gələcəyi ilə bağlı mayda konkret qərar verməlidi. Ya bizimlə böyük futbolda davam edəcək, ya da futzalda. Çünki belə olmur. Dünya futbolunda belə şey yoxdu. Növbəti il artıq bu güzəşləri etməyəcəyik. Çünki U-19 peşəkar komanda sayılır. Kərimin futzal çempionatında iştirakına icazə verməməyimizin səbəbi də bu idi. Bizim də çempionat oyunlarımız var. Yenə deyirəm, biz onu U-19 komandasına, peşəkar futbola dəvət etmək istəyirik. Ona görə də artıq seçim etməlidi".