“Real”ın müdafiəçisi David Alaba ardıcıl 3-cü dəfə Avstriyada ilin ən yaxşı futbolçusu seçilib.

Football-plus.az xəbər verir ki, 30 yaşlı oyunçu mükafata ümumilikdə 9-cu dəfə layiq bilinib. Bu isə mütləq rekorddu. Alaba Avstriya çempionatında çıxış edən klubların təmsilçilərinin səsverməsində “Bolonya”nın hücumçusu Marko Arnautoviçi, “Leyptsiq”in yarımmüdafiəçisi Konrad Laymeri və “Feyenoord”un müdafiəçisi Qernot Trauneri qabaqlayıb.

Qeyd edək ki, David ötən mövsüm “Real”la Çempionlar Liqası və La Liqanın qalibi olub.