“Musanın Polşa çempionatında çıxış edəcək potensialı var” - Məhşur menecer
Polşanın sportowefakty.wp.pl saytı Musa Qurbanlının "Poqon"un maraq dairəsində olduğunu yazıb.
Football-plus.az xəbər verir ki, yığmamızın gənc hücumcusunun "Qarabağ"la 2024-cü ilin yayına qədər qüvvədə olan müqaviləsinə görə təzminat ödəməyə də hazırdılar. Görəsən, "köhlən atlar"ın forvardının "Poqon"a keçməsi nə dərəcədə realdı? Bu sualı aydınlaşdlrmaq üçün təcrübəli futbol agenti Tural Əsgərova müraciət etdik:
"Hazırda "Poqon"dan "Qarabağ"a rəsmi təklif gəlməyib. Ona görə bunu uzun-uzadı müzakirə etmək doğru deyil. Musa Qurbanlının Polşa çempionatında çıxış edəcək potensialı var. O həm ötən, həm də cari mövsümdə "Qarabağ"da sərgilədiyi oyun və vurduğu qollar ilə legioner həyatı yaşamağa hazırdı. Musanın potensialı daha yaxşı yerlərdə oynamağa imkan verir".
Dünən isə “Poqon”un Qurbanlı üçün ödəmək istədiyi məbləğ açıqlanıb. 24kurier.pl saytında yer alan xəbərə görə, hücumçunun transferinin 350 min avroya başa gələcəyi güman olunur. Qış fasiləsində heyətini mərkəz hücumçusu ilə gücləndirməkdə israrlı olan ekstraklassa təmsilçisi Musanın keçidi sayəsində qol problemini həll edəcəyini düşünür. Xəbərdə transferin baş tutmaq ehtimalının yüksək olduğu da vurğulanıb.
Qeyd edək ki, Musa Qurbanlı dünən Ağdam təmsilçisi ilə 3,5 illik rəsmi müqavilə imzaladı.
ABDULLA İSMAYILOĞLU
Digər xəbərlər
