Elmar Baxşıyev: "İstədiyimi komandamdan görürdüm"
Azərbaycan kubokunda 1/4 final mərhələsinə start verilib.
"Qarabağ" "Qəbələ" ilə heç-heçə edib - 2:2. Oyundan sonra "qırmızı-qaralar"ın çalışdırıcısı Elmar Baxşıyevin mətbuat konfransı keçirilib. Sizi mütəxəssisin fikirləri ilə tanış edirik:
"Komandamız oyuna yaxşı köklənmişdi. Məşq prossesində də, hiss edirdik. Həm bizlər, həm də sizlər oyundan zövq aldınız. Dinamika yaxşı idi. Beş gündən bir oynayacağıq. Hələ ki, kubokda az da olsa, şansımız qalır. Daha yaxşı bərpa keçib, qarşıdakı oyuna hazırlaşacağıq".
- Heç-heçə nəticə oldu?
- "Qarabağ"a qarşı oyun baxımından komandam mənə sürpriz etdi. İstədiyimi komandamdan görürdüm. Uduza da bilərdik. Amma ümumi göstərdiyimiz performansı, komandanın əziyyətini heç-heçəyə dəyərləndirərdim. Komandamın oyunundan razıyam. Bu gün baxımlı oynadıq.
- İlkin Qırtımovun zədəsi ciddidi?
- Xeyr. Sadəcə risk etmək istəmədik.
- "Qarabağ"ı keçə biləcəksiz?
- Şans varsa, sona qədər mübarizə aparmağa çalışmaq lazımdı. Əlimizdən gələnin ən yaxşısını edəcəyik ki, növbəti mərhələyə çıxaq. Amma "Qarabağ" cütün favoritidi.
- Səfər qolunun ləğvinə görə təəssüflənirsiz?
- Bu, bütün komandalara aiddi.
Digər xəbərlər
