Son üç gündə MHL-də keçirilən oyunlarla bağlı bəzi maraqlı məqamlar var.

Football-plus.az xəbər verir ki, “Vaşinqton”un hücumçusu Aleksandr Oveçkin həm “Sietl”, həm də “Vinnipeq” ilə oyunda boş qapıya qol vurdu. Rusiyalı ulduz boş qapıya qol sayını 53-ə çatdırmaqla bu göstəricidə rekordçu olan Ueyn Qretskiyə (56) bir addım da yaxınlaşdı. Oveçkin snayperlər cədvəlinin 2-ci pilləsində qərarlaşan Qordi Houdan (801) isə cəmi 4 qol geri qalır. Yeri gəlmişkən, bu arada “Vaşinqton”un ev oyunlarını keçirdiyi “Kepital Uan-Arena”da kapitanın qollarını göstərən sayğac quraşdırılıb. Rusiyalının vurduğu hər qoldan sonra arenanın aparıcısı üzərində rəqəmlər yazılan səhifəni çevirir.

“Arizona” 2010-dan bəri ilk dəfə “Boston”u məğlub etdi. Qələbə qolunu sona 14 saniyə qalmış Louson Krauz vurdu. Beləliklə, “Boston”un “Arizona” üzərindəki ardıcıl 19 qələbədən ibarət seriyası başa çatdı. MHL tarixində bir rəqiblə bağlı bundan da uzun seriya “Monreal”a məxsusdu. Bu komanda 1974-78-ci illər aralığında “Vaşinqton”u ardıcıl 23 oyunda məğlub edib. Yeri gəlmişkən, onda liqada overtaym və bullit yox idi.