"Oyuna yaxşı hazırlaşmışdıq. Çətin olacağını bilirdik. İlk hissədə daha çox müdafiədə oynadıq, əks-hücumlarda təhlükəli olduq. İkinci yarıda qoldan sonra isə tam fərqli oynadıq. Hətta bir neçə real qol imkanlarımız da oldu. Dəyərləndirə bilmədik. Təbii ki, “Neftçi” köklü komandadı. “Ağ-qaralar” haqda xüsusi danışmağa ehtiyac yoxdu. Premyer-liqada istənilən komanda üçün çətin rəqibdi. Belə böyük komandaya qarşı oyunda fərqlənməyin özü də xüsusi sevinc verir. Amma təəssüf ki, vurduğum qol xal qazanmağımız üçün yetərli olmadı. Qalib gəlsəydik, daha çox sevinərdim. Komanda qol vuranda istər-istəməz motivasiya olur, özünəinam yaranır. Qoldan sonra inanırdıq ki, qalib gələ, ən azı bərabərə qala bilərik. Buna yaxın idik. Ancaq təəssüf ki, epizodları dəyərləndirə blmədik".