“İmişli” Mübariz İbrahimovun ev muzeyini ziyarət edib
Zəfər Günü ərəfəsində "İmişli”nin rəhbərliyi Milli Qəhrəman Mübariz İbrahimovun ev-muzeyini ziyarət edib, daha sonra 44 günlük Vətən müharibəsi qəhrəmanı, 5-ci Ordu Korpusunun komandiri, İmişlinin Bəhramtəpə qəsəbəsindən olan Kənan Seyidov ilə görüşüb.
"Football-plus.az" olaraqBununla bağlı daha ətraflı məlumat almaq üçün klubun rəhbəri Aqşin Mürsəlovla əlaqə saxladıq:
"Zəfər Günü münasibətiylə kollektivi olaraq müntəzəm şəkildə milli qəhrəmanlarımızı, şəhidlərimizi, qazilərimizi yad edirik. Bu dəfə Mübariz İbrahimovun Biləsuvardakı ev-müzeyini ziyarət etdik. Şəhidimizin atası, qardaşı ilə söhbət etdik. Mübariz İbrahimovun ev-müzeyində olmaq xüsusi duyğudu. Düşünürəm ki, hər bir azərbaycanlı oranı ziyarət etməlidi. Daha sonra 44 günlük Vətən müharibəsi qəhrəmanı, 5-ci Ordu Korpusunun komandiri, İmişlinin Bəhramtəpə qəsəbəsindən olan fəxrimiz Kənan Seyidovla görüşdük. Çox gözəl, mehriban, səmimi insandı. Onunla birlikdə İmişlidəki Şəhidlər Xiyabanını da ziyarət etdik, qazilərlə görüşdük. Sonra bir süfrə arxasında oturub şəhidlərimizdən, qəhrəman döyüşçülərimizdən və klubumuzdan söhbət açdıq. Kənan bəyə komandamın "44” nömrəli fomasını bağışladıq. Qazimizə ilk dəfə komandanın formasını hədiyyə olunurdu. Bundan sonra da bu ənənəni davam etdirməklə digər qazilərimizə və şəhid övladlarına da formalarımızı təqdim edəcəyik. Gələcəkdə komandamızın daha yaxşı çıxışıyla bizə dəstək olan qazilərimizi sevindirəcəyik. Ümumiyyətlə, hər bir kəs, xüsusən də idmançılar vətənpərvər olmalı, qəhrəmanlarımızı, şəhidlərimizi hec vaxt unutmamalıdı. Zəfər Günü münasibəti ilə xalqımızı təbrik edir, Allahdan bütün şəhidlərimizə rəhmət, qazilərimizə şəfa diləyir, onların qarşısında baş əyirik. Bundan başqa, Turkiyənin İstanbul şəhərində baş verən terror hadisəsini pisləyir, həlak olan qardaş-bacılarıımıza Allahdan rəhmət, ailələrinə səbr diləyirəm”.
ABDULLA İSMAYILOĞLU
Digər xəbərlər
