"Qələbələr bizə lazımdı" - Moldova millisinin qapıçısı
"UEFA Millətlər Liqasındakı qələbə seriyasını qarşıdakı matçlarda davam etdirmək istəyirik".
"Football-plus.az" xəbər verir ki, bu sözləri Moldova millisinin qapıçısı Dmitri Çelyadnik Azərbaycan və Rumıniya komandalarına qarşı keçirəcəkləri yoldaşlıq oyunları ilə bağlı "Moldfootball" nəşrinə müsahibəsində deyib.
30 yaşlı qolkiper daha sonra deyib:"Bütün ölkənin sevinməsi üçün qələbələr bizə lazımdı. Fanatların yığmanın yanında olmasını istəyirəm. Onları gözəl oyunla sevindirməyə çalışacağıq. Biz kiçik ölkəyik, lakin böyük ürəyə malikik. Emosiyalar həmişə olduğu kimi yalnız müsbətdi. Biz tərəfdarlarımızın önündə yaxşı oyun sərgiləməyi planlaşdırırıq. Bu iki görüşdə mübarizə aparmağa çalışacağıq".
Qeyd edək ki, Moldova noyabrın 16-da Azərbaycanla, 4 gün sonra isə Rumıniya seçməsi ilə üz-üzə gələcək.
Digər xəbərlər
