Marselo Byelsa yenidən premyer-liqada işləyə bilər.

O, İngiltərə klubu ilə danışıq aparır. Yerli mənbələr argentinalı mütəxəssisin “Bornmut”un başına keçmək ehtimalını yüksək qiymətləndirir. 67 yaşlı Byelsa İngiltərədə 2018-22-ci illərdə “Lids”i çalışdırıb.

Uilyam Folinin tezliklə “Bornmut”un sahibi olacağı gözlənilir. O, Byelsanı komandanın başında görmək istəyir. Hazırda isə baş məşqçinin səlahiyyətlərini müvəqqəti olaraq Qari O’Nil yerinə yetirir.