Bir neçə gün öncə millinin baş məşqçisi Canni De Byazinin yeni köməkçisinin olacağını xəbər vermişdik.

Buna səbəb yığmanın baş məşqçisinin köməkçisi Fabio Qallonun İtaliyaya yollanaraq C liqasında çıxış edən “Foca”nın “sükanı arxasına” keçməsidi. Onu da bildirmişdik ki, 66 yaşlı italyan mütəxəssisə təqdim olunan siyahıda PRO kateqoriyasına malik bir neçə yerli məşqçinin adı qeyd olunub və çalışdırıcı onların arasından seçim etməlidi.

Dünən sözgedən məsələ ilə bağlı “Football-plus.az” saytına yeni məlumat daxil olub. Etibarlı mənbədən əldə etdiyimiz bilgiyə əsasən De Byaziyə təqdim olunan siyahıda favoritlər Aftandil Hacıyev və Ramin Quliyevdi. Yığmanın baş məşqçisi ikilinin arasında seçim etməlidi.

RƏŞAD