''Farer adalarına məğlubiyyət rəsmən rəzalətdi. ''Ginnesin rekordlar kitabı''na düşəcək səviyyədə bir fəlakətdi. Amma təəssüf ki, Türkiyə futbolunu idarə edənlər bunun fərqində deyillər. Şenol Günəşlə birlikdə Fransanı, Rusiyanı, Niderlandı, Norveçi məğlub etmiş, Xorvatiya və Almaniya ilə bərabərə qalmış bir komanda qoyub ayrıldıq. İndi elə danışırlar ki, sanki bu uğurlar cəmi 2 il öncə olmayıb. Guya ''sınıq-salxaq'' bir komanda qəbul ediblərmiş kimi ab-hava yaradırlar. Amma Türkiyə futbol ictimaiyyəti həqiqətləri gözəl bilir. Biz bir neçə uğursuz nəticədən sonra məsuliyyəti üzərimizə götürməkdən çəkinmədik və istefa verdik. Bəs indi bizə bu rəzilliyi yaşadanlar bunun əvəzini ödəməyəcəkmi? Bu nəticələrə görə kim məsuliyyət daşıyır? Həmit Altıntop qardaşımızı gözəl tanıyıram. İdarə heyətində bir müddət onunla birlikdə çalışdıq. Biz Avropa çempionatına yollanarkən Şenol Günəşin və rəhbərliyin ''torbasını tikməklə'' məşğul idi! Belə görürəm ki, ''torba tikmək'' əməliyyatı gözlədiyi qədər uğurlu effekt vermir. Bilirsiz, məni ən çox üzən nədi? Günəşin komandanı toparlamasına imkan verməyənlər, pley-offa 2 oyun qalmış onun istefasını tələb edənlər indi niyə susur? Belə təəssürat yarandı ki, yığmanın başına Jorje Jezuş və ya Xosep Qvardiola səviyyəsində bir məşqçi gətiriləcək. Axtara-axtara gedib axırda Kuntsu tapdılar! İndi Kuntsa dəstək verib ''sistem-mistem'' deyənlər bu dəstəyin heç ondabirini belə Günəşə vermədilər. Yığmanın son oyunları formal xarakter daşıdığı üçün oyunçuların özlərini qoruması və çempionatı düşünməsi haqda deyilənlər isə boş söhbətlərdi. Yığmanın formasını daşıyan hər futbolçunun qalib gəlməkdən başqa heç bir hədəfi ola bilməz. Bunun əksini iddia edənlər futboldan anlayışı olmayanlardı''.