Millətlər Liqasında mövsümün son turuna start verilib.

Azərbaycan Qazaxıstanı qəbul edib. Yığmamız 3:0 hesablı qələbə qazanıb. Bununla da, komandamız C Liqasının 3-cü qrupunda 2-ci yerin sahibi olub. Canni De Byazinin yetirmələri ardıcıl olaraq Belarus (2:0), Slovakiya (2:1) və Qazaxıstandan (3:0) güclü olub. Sonuncular üzərindəki qalibiyyət millimizin tarixində ilklə yadda qalıb. Belə ki, indiyədək heç bir zaman rəsmi oyunlarda 3 qələbəni sıralaya bilməmişdik.

Bunadək ən yaxşı halda 2 oyunda maksimum nəticə göstərməyi bacarmışdıq. Bu, DÇ-2018-in seçmə mərhələsinin startına təsadüf etmişdi. 2016-cı ilin payızında yığmamız San Marino (1:0) və Norveçdən (1:0) 3 xal almışdı.

İSMAYIL XEYRULLAYEV