Sabah Millətlər Liqasının son oyununda Azərbaycan Qazaxıstanla qarşılacaq.

Football-plus.az xəbər verir ki, oyundan öncə mətbuat konfransında rəqibin baş məşqçi Məhəmməd Adıyev görüş haqda fikirlərini səsləndirdikdən sonra jurnalistlərin suallarını cavablandırdı...

"Pozitiv ruhla oyuna hazırlaşırıq. Turnirin taleyi bizim üçün həll olunub. Lakin mübarizəmizə davam edirik. Bu ölkədə olduğumuz üçün şadıq. Rəqibin gücünü və onların nəyə qadir olduğunu bilirik. Çalışacağıq ki, oyunun taleyini bizim xeyrimizə çevirə bilək"

- Sabah gənclərə şans verəcəksiz?
- Şatski yüz faiz meydanda olacaq. Cavanlarla birgə o da meydanda olacaq. Əsas heyət isə axşamkı məşqdən sonra bəlli olacaq.

- Qazaxıstan pley-offda qalib olaraq bura gəldi. İndi qrupda lider oldunuz. Bunun səbəbi nədi?
- Hər komandada yüksəliş və ya əksi olur. Biz indi yaxşı performans göstəririk. Ümumiyyətlə, biz meydana yüksək əhval-ruhiyyədə çıxırıq. Ölkəmiz bizi dəstəkləyir. Meydanda nəyə qadir olduğumuzu göstərmək istəyirik. Bununla da ölkəmizi sevindiririk.

- 6 ildi Azərbaycan Qazaxıstanı məğlub edə bilmir. Sabah 2-3 top buraxmaqdan qorxmursuz?
- Təbii ki, hamı bunu istəyir. Sabah saat 20.00-da görəcəyik ki, kim nəyə qadirdi.

- İlk oyunla müqayisədə Azərbaycan millisində hansı dəyişiklər var?
- Azərbaycanın Slovakiya ilə oyununu izlədim. Rəqib çox yaxşı oyun nümayiş etdirdi. Sxemdə də fərqlilik var. Komanda birlik nümayiş etdir. Bu səbəbdən də qələbə qazanır.

- Yunanıstan, Gürcüstan, Türkiyə qarşıdakı rəqiblərimiz olacaq. Onları necə dəyərləndirərsiniz?
- Hələlik bu haqda düşünmürəm. İndiki oyun daha vacibdi. Avropa çempionatının seçmə mərhələsi var. Bundan sonra pley-offun püşkatması var. Əvvəlcə seçmə mərhələni keçmək lazımdı. İndiki oyunları yola verək. Görək kim nəyə qadirdi

- Qazaxıstandakı oyundan sonra demişdiz ki, De Byazi danışmaq əvəzinə, komandası daha yaxşı oyun göstərsə düz olar. Onun bunun acığını çıxacağını düşünmürsüz?
- Mən həmişə hamıya hörmət etmişəm. Sizin məşqçiyə də həmçinin. Əksinə o, bizim oyunçulara hörmətsizlik etdi. Mən də dedim ki, danışmaq əvəzinə, iş göstərsə, yaxşı olar.

İLKİN SULTANLI