“De Byazi üçün CV-si millidən daha maraqlıdı” - AÇIQLAMA
Yığmanın Millətlər Liqasında Slovakiya və Qazaxıstanla oyunlarına 26 futbolçu dəvət olunub.
Siyahı açıqlanandan Canni de Byazinin seçimi ictimaiyyət arasında çox müzakirə olunur. Xüsusilə “Qarabağ”ın yarımmüdafiəçisi Qara Qarayevin kənarda qalması istər mediada, istərsə də sosial şəbəkələrdə müzakirə predmetidi.
Bu məsələdə kim haqlıdı? Tanınmış agent Səbuhi Səfiyarlı “Football-plus.az” saytına bunları söylədi:
“Millidə iş düzgün getmirsə, baş məşqçi düz işləmirsə, düşərgəyə kimin çağrılmasının heç bir əhəmiyyəti yoxdu. İstənilən heyətlə yığma məğlub olacaq. Və buna ölkənin əsas komandasına aid olan, ordan maaş alan hər kəs məsuliyyət daşıyır. Millətlər Liqasında komandanın qarşısına qrup birincisi olmaq tapşırığı qoyulmuşdu. Hazırda Qazaxıstan kimi ilk pillədə qərarlaşsaydıq, düşərgəyə kimin çağrılıb-çağrılmadığını, kimin o formanı daşımağı haqq edib-etmədiyini müzakirə edə bilərdik. Qazaxların nə futbola marağı, nə klublarının səviyyəsi, nə də millidəki futbolçularının keyfiyyəti bizim yığma üzvlərindən üstündü. Qazaxıstan bu gün qrupda birinci yerdədisə, deməli, sadəcə, düz işləməklə bunu bacarmaq olarmış. Biz qarşıya qoyulan tapşırığın öhdəsindən gələ bilməmişiksə, “heyətdə kim olmalıdı” polemikası aparmamalıyıq. Bu bizə heç nə verməyəcək. Uzağı bir xal az, bir xal çox qazanmağın söhbəti gedir.
Fikrimcə, qarşıdakı iki oyunda növbəti tskil üçün yığmanın heyətini formalaşdırmaq olardı. Canni de Byazi qarşıya qoyulan məqsədə çatmayıbsa, ondan nə gözləyək? Onsuz da italyan mütəxəssis yolüstədi. Buna baxmayaraq, yenə öz bildiyini edir. Biz nə görürük? İtalyan hansısa futbolçu ilə prinsip aparır, dediyini yeritmək istəyir. Nəyin prinsipini apardığını başa düşmürəm. Əslində indiki halda De Byazi üçün CV-si millidən daha maraqlıdı”.
Fikrimcə, qarşıdakı iki oyunda növbəti tskil üçün yığmanın heyətini formalaşdırmaq olardı. Canni de Byazi qarşıya qoyulan məqsədə çatmayıbsa, ondan nə gözləyək? Onsuz da italyan mütəxəssis yolüstədi. Buna baxmayaraq, yenə öz bildiyini edir. Biz nə görürük? İtalyan hansısa futbolçu ilə prinsip aparır, dediyini yeritmək istəyir. Nəyin prinsipini apardığını başa düşmürəm. Əslində indiki halda De Byazi üçün CV-si millidən daha maraqlıdı”.
RƏŞAD
