Modriçin bir günü necə keçir?
''Real''ın tarixinə adını yazdırmış oyunçulardan biri olan Luka Modriçin bu gün 37 yaşı tamam olur.
2012-ci ildən Madrid nəhənginin şərəfini qoruyan xorvatiyalı klubla artıq 21 titul qazanıb. Ad günündə klubun rəsmi kanalına müsahibə verən Modriç bunları deyib:
''Məndən tez-tez 37 yaşımda fiziki cəhətdən yaxşı görünməyimin sirrini soruşurlar. Heç bir qeyri-adi sirrim yoxdu. Sadəcə futbol üçün yaşayıram və bu işi sevərək edirəm. Adətən bazaya məşqdən saatyarım əvvəl gəlirəm. Məşqə qədər qəhvəaltı və eləcə də fizioterapevtimlə birlikdə lazımi hərəkətlər edirəm. Məşqdən sonra orqanizmimin nəyəsə ehtiyacının olduğunu hiss edirəmsə, onu da edirəm. Daha sonra ailəmlə vaxt keçirmək üçün evə gedirəm. Hətta uşaqları da məktəbdən mən götürürəm. Biraz sıxıcı həyatım var, elə deyilmi? Komanda hazırda çox yaxşı durumdadı. Kazemiro kimi önəmli oyunçu aramızdan ayrılsa da, onun boşluğunu doldurmağa qadir olanlar var. Çuameni yavaş-yavaş adaptasiya olur. Kamavinqa artıq 2-ci mövsümünü keçirir. Kroosla mən zatən hələ də burdayıq. Valverde və Sebalyos da hər zaman o mövqedə komandaya yardım etməyə hazırdı''.
Digər xəbərlər
