Misli premyer-liqasında 1-ci tura yekun vurulub.

Son oyun günündə "Turan Tovuz" "Qəbələ"ni qəbul edib. Qonaqlar 2:0 hesabı ilə qalib gəlib. Oyundan sonra meydan sahiblərinin çalışdırıcısı Ayxan Abbasovun mətbuat konfransı keçirilib. Mütəxəssis oyun barədə fikirlərini bildirib:

Baş məşqçi media nümayəndələrinin suallarını da cavablandırıb:

- Transfer edilən legionerlərin səviyyəsi aşağı görünür. Keyfiyyətli legioner transfer etməyinizə nə mane olur?
- Bu gün oyunçu gətirməkdə çətinlik çəkirik. Piruzinin qırmızı alması planlarımızı pozdu. Bu gün Natan Oduva da oynaya bilmədi. Hücumda ona güvənmək istəyirdik. Legionerlərə vaxt lazımdı. İstəyirik ki, komandada hər kəs inkişaf etsin. Yerli oyunçularımız çoxdu. Gənclərə də şans verəcəyik.

- Transferlərin davamı gələcək?
- Legionerlərlə danışıq aparırıq. Bir hücumçu Tovuza gəlib. Sabah onunla müqavilə imzalayacağıq. Daha iki futbolçu ilə danışırıq. Büdcəmizə uyğun transferlər edəcəyik. Hücum, yarımmüdafiə və müdafiə üçün 3 oyunçu düşünürük. Bununla da transferi bitirəcəyik. Bu gün kiməsə əsas oyunçu demək olmaz. İmedi Aşortiya əsasən cinahlarda yaxşı oynayır. Bu gün məcburiyyətdən hücumun mərkəzində oynatdıq.

- Yeni futbolçular gəldikdən sonra oyun sisteminiz dəyişə bilər?
- Xeyr. Biz eyni sistemi oturtmaq istəyirik. Həmin sistemə uyğun da transferlər edəcəyik. Biz yeni komandayıq. Oyundan-oyuna artıracağıq.