Konfrans Liqasının 2-ci təsnifat mərhələsində keçiriləcək “Neftçi” – “Aris” (Cənubi Kipr) cavab matçından öncə təşkil olunan mətbuat konfransında “ağ-qaralar”ın üzvü Emin Mahmudov media mənsublarının önünə çıxdı.

Football-plus.az xəbər verir ki, kapitan əvvəlcə görüş haqda fikirlərini səsləndirib, daha sonra jurnalistlərin suallarını cavablandırdı:

- 0:2 arzuolunmaz hesab sayılır. Bu fikirlə razısan?
- İstənilən halda, qələbə qazanmalıyıq. Hələ yaxşı ki, son imkandan istifadə edə bilmədilər. Hesab daha böyük ola bilərdi. Geridönüş etmək olar. Buna inanırıq və çalışacağıq ki, bacaraq.

- 5 ildi ki, “Neftçi”də oynayırsan və bu müddətdə bir neçə baş məşqçi ilə çalışmısan. Regekampf barədə nə deyə bilərsən?
- Hələ 3-4 həftə keçib. Getdikcə bir-birimizi tanıyırıq. Hələ onun istədiyi kimi oynaya bilməmişik. Yeni oyunçular da var. Uyğunlaşma prosesi gedir. Getdikcə bir-birimizi tanıayacaq və məşqçinin dediklkərini daha dəqiq yerinə yetirəcəyik. İndi bizə nəticə lazımdı.

- Kapitan olaraq komandadakı psixoloji durum barədə nə deyə bilərsən?
- Hamı oyunun əhəmiyyətini anlayır. Motivasiya yaxşı olacaq. Bunu görəcəksiz. Hamı meydana vuruşmaq üçün çıxacaq. Əlimizdən gələni edəcəyik ki, qalib gələk.