“Qəbələ”nin üç futbolçusu hazırlıq prosesində iştirak etmir.

Football-plus.az xəbər verir ki, Urfan Abbasovla Gülağa Əsədov proqram üzrə bərpa prosesi keçir. Yaovi Akakpo əməliyyat sonrası müalicəni davam etdirir.

Konfrans Liqasının 2-ci təsnifat mərhələsinin “Fehervar”la Macarıstandakı matçında zədələnən İlkin Qırtımov komanda ilə məşqlərə start verib. Dünən fərdi hazırlıq keçən müdafiəçi bu gündən kollektiv çalışmalarda iştirak edir.

İlkin Qırtımov "Fehervar"a 1:4 hesabı ilə uduzduqları görüşün ilk hissəsinin sonlarına yaxın başından ciddi zədə alıb. Dili qatlanan futbolçuya ilk yardımı komanda yoldaşı Asif Məmmədov edib. Meydanı xərəkdə tərk edən müdafiəçi Rüfət Əhmədovla əvəzlənib. Komandalar arasında cavab matçı iyulun 28-də Qəbələdə olacaq.