Futbolçu dərhal xəstəxanaya aparıldı, yalnız gecə saatlarında özünə gəldi.
"Football-plus.az" saytı olaraq Qırtımovla əlaqə saxlayıb, səhhətiylə maraqlandıq:
"Şükür Allaha, hər şey qaydasındadı. Sağalmışam, özümü yaxşı hiss edirəm. Məni axtaran, səhhətimlə maraqlanan hər kəsə dərin təşəkkürümü bildirirəm. İnşallah, qarşıdakı oyunda da şans qazanacağımı düşünürəm".
Təcrübəli müdafiəçi "Fehervar"la oyunu da dəyərləndirdi:
"Macarıstan təmsilçisiylə oyuna pis başlamadıq. Hesabı da açan tərəf biz olduq. Rəqibdən çəkinmədən açıq futbol oynadıq. Sadəcə, müdafiədəki səhvlərdən qollar buraxdıq. Bəlkə zədələnməyim və bunun nəticəsində planlaşdırılmayan əvəzetmə, komanda yoldaşlarımının fikrinin məndə qalması da təsir etdi. İstənilən halda, "Fehervar" keçilməz rəqib deyil. Cavab qarşılaşmasında daha yaxşı oyun sərgiləyərək rəqibi üstələməyə çalışacağıq".
ABDULLA İSMAYILOĞLU
