Xristo Stoiçkov belə hesab edir ki, Robert Levandovski “Barselona”nın La Liqanı qazanmasına yardım edəcək. Kataloniyalıların sabiq forvardının fikirkləri: “Bu transferə görə çox sevinirəm. O, komandaya çoxlu keyfiyyət əlavə edəcək möhtəşəm bombardirdi. Levandovski meydanda çox hərəkət edir, böyük həcmdə iş görür. “Barselona” bu heyətlə çempion olacaq, bunu indidən deyirəm”.
Xatırladaq ki, “Barselona” mövsümlərarası dövrdə Frank Kessie (pulsuz), Andreas Kristensen (pulsuz), Rafinya (58+7 milyon avro) və Robert Levandovskini (45+5 milyon avro) transfer edib.