"Çelsi"nin hücumçusu Romelu Lukaku PSJ-nin maraq dairəsinə düşüb.

"Football-plus.az" "Corriere della Sera"ya istinadən xəbər verir ki, Paris təmsilçisi belçikalı forvardla müqavilə imzalamağa çalışsa da, futbolçunun özü İtaliya "İnter"indən başqa heç bir kluba keçmək istəmədiyindən imtina edilib.

Mənbəyə görə, PSJ bu ilin aprelində Lukakunun transferi üçün cəhd edib. Bu yaxınlarda parislilər yenidən belçikalı transfer təklifi ilə gəliblər. Lukaku şəxsən Fransa klubunun təklifini rədd edib. O, hələ də İtaliyanın “İnter”inə satılmağı gözləyir.