U-21 üçün daha bir macəra başa çatır.

Milan Obradoviçin komandası seçmə mərhələnin son oyununda qrupun ən güclü yığmalarından Norveçlə qarşılaşacaq. Nəticə meydan sahibləri üçün çox vacibdi. Norveçlilər qələbə təqdirində turnirə birbaşa yollanacaqlar. Bu səbəbdən də yığmamızın çətinliklərlə üzləşəcəyi şübhə doğurmur. Yeri gəlmişkən, məhz bu oyundan sonra Obradoviçin müqaviləsinin müddəti bitir. Serbiyalı səfərdə qələbə qazanaraq tsikldə mübarizəni major notda başa vurmaq niyyətindədi. Komandalar indiyədək 6 dəfə üz-üzə gəlib. Bunların 4-də məğlub olub, 1-də qələbə qazanmışıqsa, 1 matçda da qalib müəyyənləşməyib. Topların nisbətində də norveçlilər öndədi - 10:6.

U-21-lər arasında Avropa çempionatının seçmə oyunu
A qrupu
Norveç (U-21) - Azərbaycan (U-21) 2:1
Qol: Yurgen Larsen, 54. Erik Botheym, 77. - İldar Ələkbərov, 65.
Hakimlər: LUKA BİLBİYA, Qoran Dujak, Amer Maciç, Antoni Bandiç (hamısı Bosniya və Hersoqovina).
14 iyun. Drammen. “Marienlist” stadionu. Saat 20.00


1. Xorvatiya 10 7 1 2 25-10 22
2. Norveç 9 7 0 2 24-10 21
3. Finlandiya 10 6 1 3 18-13 19
4. Avstriya 10 5 1 4 22-13 16
5. AZƏRBAYCAN 9 2 1 6 11-22 7
6. Estoniya 10 0 0 10 0-32 0

İLKİN SULTANLI