Baqa Belarus üçün millimizi incələdi
"Nə olur-olsun, indi Georgi Kondratyevin ixtiyarında ölkənin aşağı-yuxarı ən yaxşı oyunçularıdı. Çempionluq uğrunda mübarizə aparan üç komandanın təmsilçiləri, üstəlik, legionerlər. Gəlin görək, hardan gəliblər? Bəli, Kiprdən Yablonski var, "Orenburq"dan Peçenin çıxıb. Amma bu azərbaycanlılara, hətta slovaklara da 3 qol vurmağa imkan vermir" – bu sözləri "Sumqayıt"ın belaruslu baş məşqçisi Aleksey Baqa yığmalarının Millətlər Liqasında Slovakiya (0:1) və Azərbaycan (0:0) ilə keçirdiyi oyunlar haqda danışarkən deyib. 41 yaşlı mütəxəssis yığmamızın heyətində “milliləşdirilən” futbolçuları incələyib: "Bunu müqayisə etməklə yanaşı, deyirlər ki, rəqibin problemi var. Çünki onun heyətində “milliləşdirilən” futbolçular var ki, bu da özünün çatışmazlığı deməkdi. Məsələn, Qara Qarayevlə Maksim Medvedevi götürək. Onların Avropa yarışlarında yüzlərlə oyunu var. “Qarabağ”ın təmsilçiləridi və 8 ildi bu və ya başqa turnirin qrupunda çıxış edirlər. Bəs bizdə avrokubokları kim “ələ keçirib”? Bir az Volkov, “Şaxtyor”la Xadarkeviç, millinin kapitanı kimi yetişən Yablonski. Azərbaycanlılarda da, məsələn, Riçard Almeyda var. Bəli, ona yerli pasport verilib, amma bu müddət ərzində Avropa yarışlarında da çıxış edib. Eddi İsrafilov bütün həyatını İspaniyada keçirib, "Milan" akademiyasından keçib. Beləliklə, hər bir” milliləşdirilən” haqda danışmaq olar".
Baqa Belarus yığmasının Millətlər Liqasına hazırlığının necə aparıldığını daha çox bildiyini də söyləyib: "Georgi Kondratyev hər bir namizəd haqda düşündü. Dima Rovneyko Bakıda olub, Azərbaycan millisinin bir neçə oyununa baxıb. Bir neçə dəfə mənimlə görüşüb. Burda yarım ilə yığa bildiyim hər şeyi danışdım".
